છેલ્લા બોલમાં પોતાને હારતા જોઇને પાકિસ્તાન ટીમ અપ્રામાણિકતા પર ઉતરી આવી હતી. ઝીમ્બાબ્વેનો બોલર ઈચ્છતો હોત તો માંકડિંગથી પણ રમત પૂરી કરી શકતો હોત. પરંતુ જેન્ટલમેને રમતની લાજ રાખવા માટે કદાચ આવુ કર્યુ નહીં.
ઝીમ્બાબ્વેએ પાકિસ્તાનને હરાવીને મોટો ઉલટફેર કર્યો
હાર ભાળતા પાકિસ્તાન ટીમ અપ્રામાણિકતા પર ઉતરી હતી
ઝીમ્બાબ્વેના બોલરે વિચાર્યુ હોત તો પાક. બેટર રન આઉટ થયો હોત
પાકિસ્તાન ટીમ અપ્રામાણિકતા પર ઉતરી આવી
એશિયા કપ 2022ની ફાઈનલ રમ્યા બાદ ન્યુઝીલેન્ડમાં ત્રિકોણીય શ્રેણી જીતનારી પાકિસ્તાની ક્રિકેટ ટીમને ટી-20 વર્લ્ડ કપની પ્રબળ દાવેદાર માનવામાં આવતી હતી. પરંતુ હવે બાબર સેના ટુર્નામેન્ટમાંથી બહાર થવાની અણીએ હતી. ગુરૂવારે રાત્રે ઝીમ્બાબ્વેએ પાકિસ્તાનને હરાવીને મોટો ઉલટફેર કર્યો. પહેલા બેટીંગ કરીને શૉ વિલિયમ્સના 31 રનની ક્ષમતાએ ઝીમ્બાબ્વેએ 8 વિકેટના નુકસાને 130 રન બનાવ્યાં. જવાબમાં પાકિસ્તાન આઠ વિકેટના નુકસાને 129 રન બનાવી શકી. છેલ્લી ઓવરમાં મળેલી આ શરમજનક હારથી બચવા માટે પાકિસ્તાન ટીમ અપ્રામાણિકતા પર ઉતરી આવી હતી. તેમ છતાં તે જીતી શકી નહોતી.
Most fielders do it anyway, but extra smart by @SRazaB24 to pick the striker's end for the final ball runout to beat Pakistan. Wasim had left the non-striker's end before Evans leaped into his delivery stride, huge start. Raza's best option for a runout was always striker's end. pic.twitter.com/8XaQyTvau9
પાકિસ્તાનને મેચના છેલ્લાં બોલમાં જીતવા માટે ત્રણ રનની જરૂર હતી. બે રન બનાવતા મેચ ટાઈ થઇ જાત. ત્યારબાદ નિર્ણય સુપર ઓવરમાં થયો હોત. છેલ્લી ઓવરની જવાબદારી સંભાળી રહેલા બોલર બ્રેડ ઈવાન્સ જ્યારે પોતાના રન અપમાં હતા ત્યારે નૉન સ્ટ્રાઈક એન્ડ પર ઉભા રહેલા મોહમ્મદ વસીમ જુનિયર એક રન લેવાના પ્રયાસમાં બોલ ફેંકતા પહેલા ક્રીજ છોડી ચૂક્યા હતા. જો ઈવાન્સ ઈચ્છતા તો બોલ ફેંકતી વખતે વસીમને માંકડિંગ રનઆઉટ કરી શકતા હતા. ICCના નવા નિયમો મુજબ, નૉન સ્ટ્રાઈકર એન્ડ પર થતા માંકડિંગ આઉટ હવે રન-આઉટના દાયરામાં આવી ગયુ છે.