વખાણવાલાયક / પાકિસ્તાનીઓનો ભારત પ્રેમ: કલાકારે સ્વતંત્રતા દિવસે આપી અનોખી ભેટ, VIDEO જોઈને ગદગદ થઈ જશો

• ભારતે 75મો સ્વતંત્રતા દિવસ મનાવ્યો
• પાકિસ્તાની રબાબ કલાકાર સિયાલ ખાને ભારતને મોકલી શુભેચ્છા
• સિયાલ ખાને તેની વીણા પર ભારતીય રાષ્ટ્રગીત જન ગણ મન વગાડ્યુ  

સ્વતંત્રતા દિવસે પાકિસ્તાની કલાકારે ભારતને શુભેચ્છા મોકલી

ભારત પોતાનો 75મો સ્વતંત્રતા દિવસ મનાવી રહ્યો છે. ઈન્ટરનેટ પર હૃદયને સ્પર્શી જાય તેવો વીડિયો વાયરલ થયો છે. આ પ્રસંગે પાકિસ્તાની રબાબ કલાકાર સિયાલ ખાને ભારતને શુભેચ્છાઓ મોકલી. વીડિયોને શેર કરી સિયાલ ખાને તેના ટ્વિટરના કેપ્શનમાં લખ્યું, સરહદ પારના મારા દર્શકો માટે આ એક ઉપહાર છે. સિયાલ ખાનની શાનદાર ધુનને સાંભળ્યા બાદ બંને દેશોના લોકોએ ખૂબ વખાણ કર્યા. એક ભારતીય યુઝરે તો એવુ પણ કહ્યું કે જન-ગણ-મનની ધુન સાંભળીને સિયાલે દિલ જીતી લીધુ. 

પાકિસ્તાની કલાકારના યુઝર્સે ખૂબ વખાણ કર્યા 

જેમ કે તમે વીડિયોમાં જોઇ શકો છો કે સિયાલ ઊંચા પહાડોની ચોટી પર બેઠો છે અને હાથમાં વીણા પકડી છે. કુલ 1 મિનિટ 22 સેકન્ડના વીડિયોમાં સિયાલે તેની વીણા પર રાષ્ટ્રગીત જન-ગણ-મન વગાડ્યુ. રાષ્ટ્રગીતની ધુન એટલી સારી હતી કે યુઝર્સે ખૂબ વખાણ કર્યા. આ વીડિયો પર 6 લાખ 46 હજારથી વધુ વ્યુજ છે અને આશરે 40 હજાર લાઈક્સ મળી છે. 

Here’s a gift for my viewers across the border. 🇵🇰🇮🇳 pic.twitter.com/apEcPN9EnN

— Siyal Khan (@siyaltunes) August 14, 2022

આની પહેલા બોલીવુડ ગીત પર ધુન વગાડી છે 

આની પહેલા સિયાલ ખાને એક ‘ફના’ ગીતની શાનદાર પ્રસ્તુતિ આપી હતી. પ્રતિભાશાળી કલાકારે એક વીડિયો પણ શેર કર્યો. જેમાં તેમને બહુચર્ચિત ગીત પસૂરી વગાડતા જોઇ શકાય છે.