T20 Worldcup / બાબરનો વિજયરથ અટકતો જ નથી, તોડી નાખ્યો કેપ્ટન કોહલીનો આ રેકોર્ડ, સતત ત્રીજી મેચમાં પાક. નો વિજય

• પાકિસ્તાને સતત ત્રીજી મેચ જીતી
• અફઘાનિસ્તાન ટીમને પાંચ વિકેટે હરાવી
• બાબરે 51 રનની મહત્વની ઇનિંગ રમી

ટ્વેન્ટી ટ્વેન્ટી વર્લ્ડ કપમાં પાકિસ્તાનની ટીમ સતત સારું પ્રદર્શન કરી રહી છે અને સતત ત્રીજી મેચ જીતી હતી. શુક્રવારે દુબઈમાં રમાયેલી મેચમાં પાકિસ્તાને અફઘાનિસ્તાનને પાંચ વિકેટે હરાવી દીધું હતું. 

બાબરે 51 રનની મહત્વની ઇનિંગ રમી

ટીમની જીતમાં ફરી કેપ્ટન બાબર આઝમે મહત્વની ભૂમિકા ભજવી હતી. બાબરે 51 રનની મહત્વની ઇનિંગ રમી હતી. આ ઇનિંગ બાદ બાબર આઝમે ભારતીય કેપ્ટન વિરાટ કોહલીને પણ પાછળ છોડીને એક નવો રેકોર્ડ બનાવ્યો હતો. 

બાબરે ટી-ટ્વેન્ટી ઇન્ટરનેશનલમાં કેપ્ટન તરીકે 26 ઈનિંગ્સમાં જ એક હજાર રન પૂરા કરી દીધા હતા. અને આ કીર્તિમાન સ્થાપિત કર્યો હતો. 

ટોપ 5 કેપ્ટન બેટ્સમેન 
વિરાટ કોહલીએ કેપ્ટન તરીકે એક હજાર રન પૂરા કરવામાં 30 ઈનિંગ્સ જેટલો સમય લાગ્યો હતો. સાઉથ આફ્રિકન એક્સ કેપ્ટન ફાફ ડુ પ્લેસીસને 31 ઈનિંગ્સ જેટલો અને ઓસ્ટ્રેલિયન એરોન ફિન્ચને 32 ઇનિંન્સ લાગી હતી. તો ન્યુઝીલેન્ડ કેપ્ટન કેન વિલિયમસનને ટોટલ 36 ઇનિંગ લાગી હતી. 

13 વખત 50 કરતાં વધારે રન

બાબર આઝમે ટી-ટ્વેન્ટી ઇન્ટરનેશનલ ક્રિકેટમાં કેપ્ટન તરીકે 13 વખત 50 કરતાં વધારે રન કર્યા છે. આ મામલે તેણે વિરાટ કોહલીની બરાબરી કરી હતી. 

વિરાટે કેપ્ટન ટ્રીકે 20 ઇન્ટરનેશનલ ક્રિકેટ ટ્વેન્ટી ટ્વેન્ટીમાં 13 ફિફ્ટી લગાવી છે. 

મેચ બાદ પ્રેસ કોન્ફરન્સમાં બાબરે કહ્યું હતું કે અમે બોલ સાથે સારી શરૂઆત કરી હતી અને પ્લાન મુજબ ઘણી વિકેટ્સ પણ લીધી હતી. અમે આખરે 10 થી 15 રન વધારે આપ્યા હતા અને કદાચ બેટિંગમાં પણ પાવરપ્લેનો લાભ નહોતા ઉઠાવી શક્યા. જેવુ અમે રમવા માંગતા હતા તેવું કદાચ નહોતા રમી શક્યા. અને આખરે મલિક અને આસિફ અલીનાં કારણે અમને અંદાજ હતો કે અમે જેમ ફિનિશ કરીશું અને આસિફે સારો રોલ પ્લે કર્યો હતો.  બાબરે કહ્યું હતું કે આસિફ તેના માટે જ જાણીતો છે અને તેણે એ કરી બતાવ્યું હતું જેની તેની પાસેથી અપેક્ષા હોય છે. અમને વિશ્વાસ છે કે જરૂર પડ્યે અમારા ખેલાડીઓ સારું રમી શકે છે અને સ્પિનર્સને પણ મદદ મળી રહી હોવાથી ટીમને મોટો ફાયદો થાય છે.