પાકિસ્તાને ટૉસ જીતીને પહેલા બેટિંગ કરતા 7 વિકેટ પર 308 રન કર્યા, જ્યારે ટાર્ગેટ પૂરો કરવા માટે આવેલી સાઉથ આફ્રિકાની ટીમે 9 વિકેટ પર 259 રન જ કર્યા. આ સાઉથ આફ્રિકાની 5મી હાર છે અને 7 મેચમાં માત્ર 3 પૉઇન્ટ હોવાને કારણે તે સેમિફાઇનલમાંથી બહાર થઇ ગયુ છે. જ્યારે પાકિસ્તાનના 6 મેચમાં 5 પૉઇન્ટ થઇ ગયા છે.
They beat 🇿🇦 by 49 runs, with Amir and Riaz among the wickets after half-centuries from Sohail and Azam took them to 308/7. #WeHaveWeWillpic.twitter.com/vjJgNm11Cb
— Cricket World Cup (@cricketworldcup) June 23, 2019
પાકિસ્તાનની ટીમે ટૉસ જીતીને બેટિંગ કરવાનો નિર્ણય લીધો. ઓપનર્સ ઇમામ ઉલ હક અને ફખર ઝમાને 44-44 રનની ઇનિંગ્સ રમી હતી અને પ્રથમ વિકેટ 81 રન જોડ્યા હતા. જે પછી બાબૈર આઝમના 69 અને હારિસ સોહેલના 89 રનની મદદથી પાકિસ્તાને 50 ઑવર્સમાં 7 વિકિટે 308 રનનો સ્કોર કર્યો. સાઉથ આફ્રિકા માટે લૂંગી ગિડીએ 3 વિકેટ, ઇમરાન તાહિરે 2 વિકેટ, જયારે એડન માર્કરમ અને ક્રિસ મોરિસે 1-1 વિકેટ લીધી હતી.
309 રનનો ટાર્ગેટ પૂરો કરવા માટે આવેલા સાઉથ આફ્રિકાની ટીમને બીજી ઑવરમાં હાશિમ આમલા (2) આઉટ થતા ઝટકો લાગ્યો. જોકે કેપ્ટન ફાફ ડુ પ્લેસીસે 63 રન, કવિન્ટન ડી કોકે 47 રન અને એંડિલે ફેલુકવાયોએ 46* રન કર્યા હતા, તેમ છતાં 50 ઑવરના અંતે આફ્રિકા 9 વિકેટના ભોગે 259 રન જ કરી શકી અને ટૂર્નામેન્ટમાં તેને પાંચમી હારનો સામનો કરવો પડ્યો. પાક. માટે વહાબ રિયાઝ અને શાદાબ ખાને 3-3 વિકેટ લીધી હતી. જયારે મોહમ્મદ આમિરે 2 વિકેટ અને શાહિન આફ્રિદીએ 1 વિકેટ લીધી હતી.