નહી સુધરે / પાકિસ્તાને ફરી પોતાની અકડ બતાવી, અફઘાનિસ્તાન સંકટ મામલે દિલ્હીની બેઠકમાં નહી થાય શામેલ

• પાકિસ્તાને ફરી દેખાડી પોતાની અકડ 
• અફઘાનિસ્તાન મુદ્દે દિલ્હીમાં યોજાવાની છે NSA બેઠક 
• ભારતના આમંત્રણ પર પણ બેઠકમાં શામેલ નહી થાય પાક 

અફઘાનિસ્તાનની પરિસ્થિતીને લઈને ભારતે દિલ્હીમાં NSA બેઠક બોલાવી છે. જેમા ઈરાન રશિયા અને અન્ય દેશોને આંમત્રણ આપવામાં આવ્યું છે. આ બેઠકમાં પાકિસ્તાનના રાષ્ટ્રીય સુરક્ષા સલાહકાર મોઈદ યૂસુફને આમંત્રણ આપવામાં આવ્યું હતુ. પરંતુ તેણે અકડ બતાવીને બેઠકમાં સામેલ થવાની ના પાજડી દીધી છે. 

સેન્ટ્રલ એશિયાના દેશો પણ થશે શામેલ 

તાજિકિસ્તાન સાથે સિક્યોરિટી એગ્રીમેંટ વખતે પાક NSA સ્પષ્ટ કર્યું કે તેઓ ભારતના આમંત્રણ પર નથી જવાના અગાઉ પાકિસ્તાની વિદેશ મંત્રાલય દ્વારા આ વાતની પુષ્ટી કરવામાં આવી હતી કે તેમને આ બેઠક માટે ભારત તરફથી આમંત્રણ આપવામાં આવ્યું છે. આ બેઠકમં સેન્ટ્રલ એશિયાના દેશો પણ શામેલ થવાના છે. 

અગાઉ રશિયાએ બેઠક બોલાવી હતી 

અગાઉ રશિયાએ પણ અફઘાનિસ્તાનની સ્થિતીને લઈને બેઠક બોલાવી હતી જેંમા ભારત પણ શામેલ થયું હતું. મોસ્કો ફોરમેટમાં અફઘાનિસ્તાન, ચીન, પાકિસ્તાન, ઈરાન અને ભારત શામેલ થયા હતા. આ સમયે પહેલી વખત એવું બન્યું હતું કે તાલિબાન સાથે ભારતે અધિકારીક રૂપે મીટિંગમાં વાતચીત કરી હતી.

ભારત અફઘાનિસ્તાનની સહાય માટે તૈયાર  

ઉલ્લેખનીય છે કે ભારતના રાજદૂત દીપક મિત્તલે કતરમાં તાલિબાન સાથે બેઠક કરી હતી જોકે તે બેઠકને લઈને પણ તાલિબાને હજું ચુપ્પી રાખી છે. અફઘાનિસ્તાનના પ્રવક્તા જબીઉલ્લાહ મુજાહિદે ટ્વીટ કરીને  કહ્યું હતું કે મોસ્કો ફોરમેટમાં ભારતે કહ્યું કે અફઘાનિસ્તાનના લોકોને માનવીય સહાયતાની જરૂર છે. અફઘાનિસ્ચતાન ખરાબ સમયમાંથી પસાર થઈ રહ્યું છે. જેથી ભારત અફઘાનિસ્કતાનની સહાય કરવા માટે તૈયાર છે.