ભલે મોડે મોડે જ પણ હવે પાકિસ્તાનમાં પણ કોરોના રસીકરણનો માટેનો રસ્તો ધીરે ધીરે સાફ થઈ રહ્યો છે.
કોરોના મુદ્દે પાકિસ્તાનને રાહત
જૂન સુધીમાં મળી જશે 1.70 કરોડ ડોઝ
પાકિસ્તાને કોવાકસ પ્રોગ્રામ પર કર્યા હતા હસ્તાક્ષર
પાકિસ્તાનની ઇમરાન સરકાર હજી સુધી કોરોના રસીનો એક પણ ડોઝ ખરીદી નથી શકી. પરંતુ ચીને તેને 5 લાખ ડોઝ મફત આપ્યા છે, જે લાવવા માટે પાકિસ્તાનથી વિમાન મોકલવામાં આવ્યું છે. ચાઇનીઝ રસીના ડોઝ પાકિસ્તાનમાં પહોંચે તે પહેલાં, જ્યારે પાકિસ્તાનને 1.70 કરોડ ભારતીય રસીના ડોઝ મફતમાં મળવાની શક્યતા વધી ગઈ છે. મહત્વનું છે કે આ રસી ભારત મોકલવાનું તેને મોકલવાનું નથી અને પાકિસ્તાને તેના માટે ભારત સાથે વાતચીત નથી કરી પણ આ તેને કોવાકસ પ્રોગ્રામ હેઠળ મળવા પ્રાપ્ત છે.
ઈમરાન સરકાર પાસે રસી ખરીદવાના પૈસા નથી
ઓક્સફર્ડ-એસ્ટ્રાઝેનેકા અને સીરમ ઇન્સ્ટિટ્યૂટ ઓફ ઈન્ડિયા દ્વારા બનાવાયેલી કોવિશિલ્ડ રસીને પાકિસ્તાને તેના દેશમાં ઇમરજન્સી ઉપયોગ માટેની મંજૂરી આપી હતી, પરંતુ ઇમરાન ખાનની સરકાર પાસે ન તો રસી ખરીદવા માટે પૂરતા પૈસા છે અને ન તો ભારત સરકાર પાસે રસી માંગવાની હિંમત. જોકે, પાકિસ્તાને તેને બેકચેનલથી મેળવવાના પ્રયાસમાં રાજ્ય સરકારો અને ખાનગી ક્ષેત્રને ખરીદવાની મંજૂરી આપી દીધી હતી.
દરમિયાન,રવિવારે પાકિસ્તાન પીએમ ઇમરાન ખાનના સ્પેશિયલ એડવાઈઝર (હેલ્થ) ડો. ફૈઝલ સુલતાને જાહેરાત કરી હતી કે આવતા મહિનાથી (ફેબ્રુઆરીથી) પાકિસ્તાનને પણ એસ્ટ્રાઝેનેકાની રસી મળતી થઈ જશે. તેમણે જણાવ્યું હતું કે 60 લાખ ડોઝની ડિલિવરી માર્ચ સુધીમાં કરી દેવામાં આવશે અને જૂન સુધીમાં તેને 1.70 કરોડ ડોઝ મળી જશે.
કોવિડ 19 વેક્સિન મુદ્દે પાકિસ્તાનને રાહત થઈ
આ મામલે અસદ ઓમરે ટ્વિટ કરીને કહ્યું કે, કોવિડ 19 વેક્સિન મુદ્દે પાકિસ્તાન માટે સારા સમાચાર છે. કોવાક્સના નિવેદનમાં જણાવાયું છે કે 2021 ના પહેલા ભાગમાં એસ્ટ્રાઝેનેકા રસીના 1.70 મિલિયન ડોઝ મળવાની છે. ફેબ્રુઆરીમાં શરૂ કરીને, 60 લાખ ડોઝ માર્ચ સુધીમાં ઉપલબ્ધ થશે. અમે 8 મહિના પહેલા કોવાક્સ પ્રોગ્રામ પર હસ્તાક્ષર કર્યા હતા. ''
બીજા એક ટ્વિટમાં તેમણે કહ્યું કે, આ ખુશીની વાત છે સિનોફર્મા (ચાઇનીઝ વેકસીન કંપની) તરફથી 5 લાખ ડોઝ મેળવ્યા પછી, પ્રથમ ક્વાર્ટરમાં 1.70 કરોડ ડોઝ એસ્ટ્રાઝેનેકા રસી દ્વારા પ્રાપ્ત કરવામાં આવશે. આ લોકોને વિના મૂલ્યે આપવામાં આવશે. પાકિસ્તાનમાં રસીકરણ આવતા અઠવાડિયે શરૂ થવા જઈ રહ્યું છે અને હેલ્થકેર કર્મચારીઓને સૌથી પહેલા રસી આપવામાં આવશે. ''