પાકિસ્તાનના બાળકોનો એક વીડિયો સોશ્યિલ મીડિયા પર વાયરલ થઈ રહ્યો છે. આ વીડિયોમાં બાળકો રાષ્ટ્રિય સ્વયંસેવક સંઘ અને ભારતને ખુલ્લી ધમકી આપી રહ્યા છે. સતત આતંક ફેલાવી રહેલું પાકિસ્તાન હવે અહીંના બાળકોના મનમાં પણ આ ઝેર ભરી રહ્યું છે. બદલાની ભાવના દર્શાવતો આ વાયરલ વીડિયો દેશમાં વધારે ડર ફેલાવી રહ્યો છે.
ભારતની વિરુદ્ધમાં આ બાળકો ઝેર ઓકી રહ્યા છે
પાકિસ્તાનનો ઝંડો ફેલાવવાની આપી છે ધમકી
ભારતને આપી રહ્યા છે બદલો લેવાની ધમકી
જમ્મૂ કાશ્મીરથી આર્ટિકલ 370ને હટાવી દીધા બાદ ઉશ્કેરાયેલું પાકિસ્તાન સુરક્ષાદળોની ચોકસાઈને કારણે ભારતમાં ઘૂસપેઠ કરવામાં નિષ્ફળ રહ્યું છે. આંતરરાષ્ટ્રિય મંચ પર ઈસ્લામનો રાગ આલાપ્યા બાદ ભારતની વિરુદ્ધમાં માહોલ બનાવવામાં પાકિસ્તાન અસફળ રહ્યું છે. બદલાની આગમાં શેકાઈ રહેલું પાકિસ્તાન પોતાના નાપાક એજન્ડામાં હવે બાળકોને ઘૂસાડી રહ્યું છે.
હારેલા પાકિસ્તાને કર્યો બાળકોનો ઉપયોગ, વીડિયો સોશ્યિલ મીડિયામાં વાયરલ
હાલમાં પાકિસ્તાનનો એક વીડિયો સોશ્યિલ મીડિયા પર વાયરલ થઈ રહ્યો છે. વીડિયોમાં બાળકો રાષ્ટ્રિય સ્વયંસેવક સંઘ અને ભારતને ખુલ્લી ધમકી આપી રહ્યા છે. આતંકવાદને પોતાની સ્ટેટ પોલીસી બનાવી ચૂકેલું પાકિસ્તાન 7-8 વર્ષના બાળકોના મનમાં ભારતની વિરુદ્ધ હિંસા અને આતંકવાદનું ઝેર ભરી રહ્યું છે. આ વીડિયો પર પાકિસ્તાનના કટ્ટરપંથી ગર્વ અનુભવી રહ્યા છે પરંતુ તેમના બાળકોની માસૂમિયતને બગાડી રહ્યા છે. આ સમયે પાકિસ્તાન પર સવાલો ઊઠી રહ્યા છે.
This is what Pakistan has made their children do, feeding them lies & hatred. Devestating! pic.twitter.com/O4OeYA1rMd
વીડિયોમાં પાકિસ્તાને પોતાની તરફથી કોઈ ઉલ્લેખ કર્યો નથી પણ સીધી રીતે જોવા મળે છે કે વીડિયોનો એક એજન્ડાના આઘારે શૂટ કરવામાં આવ્યો છે. વીડિયોના અંતમાં હકીમ સઈદ ગ્રાઉન્ટમાં 12 ઓક્ટોબરે કાશ્મીરને લઈને યોજાયેલા એક કાર્યક્રમનો પણ ઉલ્લેખ કરવામાં આવ્યો છે.
આ વીડિયોમાં બાળકોના મોઢાથી ભારતમાં પાકિસ્તાનનો ઝંડો લહેરાવવાની અને સંઘને ધમકી આપવાની વાતો કહેવડાવવામાં આવી છે. જે ઉંમરમાં બાળકોને શિક્ષણ અને સંસ્કાર આપવાના હોય તે ઉંમરે પાકિસ્તાનના બાળકોના મનમાં આતંકી ઝેર ભરવામાં આવી રહ્યું છે.
બ્લેક લિસ્ટમાં જવાના ખતરાથી ગભરાયું છે પાકિસ્તાન
હિન્દુસ્તાનને પાકિસ્તાન બનાવવાનું સપનું જોનારા આતંકવાદીઓએ મોટી સંખ્યામાં યુવાનોને આતંકના માર્ગે ધકેલીને તેમનું જીવન બરબાદ કરી દીધું હતું. હવે આ બાળકોના ભવિષ્યમાં આતંકનું અંધકાર લાવવાની તૈયારી ચાલી રહી છે. બાળકોને આતંકનું હથિયાર બનાવનારો પાકિસ્તાનનો આ ઘૃણાસ્પદ એજન્ડા ત્યારે સામે આવ્યો છે જ્યારે આતંક પર કાબૂ મેળવવાની નિષ્ફળતા અને તેને પ્રોત્સાહન આપતા પાકિસ્તાન પર ફાઇનાન્શિયલ એક્શન ટાસ્ક ફોર્સ (FATF) દ્વારા બ્લેક લિસ્ટ કરવામાં આવતા તે ગભરાયું છે.