મેલી મુરાદ / રશિયા સાથે બનાવટ કરવા નીકળ્યું'તું પાકિસ્તાન, એવું ભારે પડ્યું કે હવે ક્યાંયનું નહીં રહે

રશિયા પાસેથી ડબલ યુઝની સામગ્રી ખરીદવાના પાકિસ્તાનના પ્રયાસને ફટકો પડ્યો છે. તે ત્યાંની ખાનગી કંપનીઓ સાથે ડીલ કરીને hand foot contamination નું કહીને પરમાણુ સામગ્રી ખરીદવા માટે રશિયાને છેતરીને સોદો કરતાં હોવાની માહિતી મળી હતી. 

 અને આ વસ્તુઓ પાકિસ્તાનના ચશ્મા વિસ્તારમાં આવેલા પરમાણુ પ્લાન્ટમાં મોકલવામા આવતી હતી.  જ્યારે રશિયાને આ વાતની જાણ થઈ તો તેણે ડીલમાંથી પાછળ હટી ગયું હતું અને પાકિસ્તાનમાં આ સામગ્રીની નિકાસ બંધ કરી દીધી.

રિપોર્ટ અનુસાર, રશિયાએ પાકિસ્તાની કંપનીઓને નિકાસ કરવાનો ઇનકાર કરી દીધો છે, જે વિનાશનો સામાન કહેવામાં આવે છે. રશિયાએ આ ડ્યુઅલ યુઝ મટિરિયલ વેચવા માટે પાકિસ્તાન સાથેનો કરાર પણ રદ કરી દીધો છે. કરાર રદ થયા બાદ રશિયન કંપની તરફથી કહેવામાં આવ્યું છે કે પાકિસ્તાનની કંપનીએ ખોટું બોલીને અને ખોટી માહિતી આપીને આ કરાર કર્યો હતો, જ્યારે પાકિસ્તાનનો હેતુ પરમાણુ પ્લાન્ટ માટે તે સામગ્રીનો ઉપયોગ કરવાનો હતો.

એમઓયુ પર હસ્તાક્ષર કરવામાં આવ્યા હતા

રશિયાની મેસર્સ ટેકનોસેન્ટર લિમિટેડ અને લાહોરના મેસર્સ હસન સાયન્ટિફિક કોર્પોરેશન વચ્ચે એમઓયુ પર હસ્તાક્ષર કરવામાં આવ્યા હતા. આ અંતર્ગત પાકિસ્તાન રશિયાની એક કંપની પાસેથી છ ઈક્વિપમેન્ટ ખરીદવા જઈ રહ્યું હતું. પરંતુ રશિયાને વિચાર આવ્યો કે તે આ સામગ્રી ચશ્મા સ્થિત તેના પરમાણુ પ્લાન્ટમાં મોકલવા જઈ રહ્યું છે. ત્યાર બાદ તેણે તરત જ કોન્ટ્રાક્ટ કેન્સલ કરી દીધો હતો.

રશિયન અધિકારીઓની ચાંપતી નજર  
આ કરાર થયા બાદ રશિયન અધિકારીઓ પાકિસ્તાન પર ચાંપતી નજર રાખી રહ્યા હતા. 
પાકિસ્તાન સાથેના કરાર પર હસ્તાક્ષર થયા બાદથી રશિયન અધિકારીઓ પાકિસ્તાન પર ચાંપતી નજર રાખી રહ્યા હતા. પાકને આ દેખરેખની જાણ પણ ન હતી. રશિયાના અધિકારીઓએ પાકિસ્તાનના યુરોપિયન માર્કેટમાંથી ખરીદેલા સામાન પર પણ ચાંપતી નજર રાખી હતી. આ પછી રશિયન અધિકારીઓ વધુ સાવચેત બન્યા કારણ કે આ ઉપકરણો યુરોપના કેટલાક દેશો સિવાય રશિયામાં જ બનાવવામાં આવ્યા હતા અને યુરોપિયન દેશો પાકિસ્તાનને આ ઉપકરણો આપતા નથી. 

આવી સ્થિતિમાં, પાકિસ્તાનનો ઇરાદો રશિયન સામગ્રીનો બેવડો ઉપયોગ કરવાનો હતો. જ્યારે પાકિસ્તાનને લાગ્યું કે રશિયા પાસે એવું મોનિટરિંગ મિકેનિઝમ નથી જે તેની મહત્વાકાંક્ષા કે મેલી મુરાદ વિષે શોધી શકે ત્યારે આવી સ્થિતિમાં પાકિસ્તાને રશિયાને ગેરમાર્ગે દોરીને સમાધાન કરવાનો પ્રયત્ન કર્યો હતો. 

આમ હવે યુરોપ બાદ પાકિસ્તાનને રશિયાથી પણ પરમાણુ સામગ્રી નહીં મળે એ સ્પષ્ટ થઈ ગયું છે. માટે પાકિસ્તાન ક્યાંયનું નહીં રહે એવી હાલત થઈ ગઈ છે.