મુશ્કેલી / ઇમરાનને મોટો ફટકો, હવે FATFના ગ્રે લિસ્ટમાં જ રહેશે પાકિસ્તાન, આ સમય સુધીમાં 6 માપદંડોને પૂરા કરવા પડશે

• FATFનો ઈમરાન ખાનને મોટો ઝટકો
• પાકિસ્તાન ગ્રે લિસ્ટમાં જ રહેશે
• 27 યોજનામાંથી 21 કરી પૂરી, અન્ય 6 માટે ફેબ્રુઆરી સુધીનો અપાયો સમય

FATFના અધ્યક્ષ માર્કસ પ્લીયરે કહ્યું કે પાકિસ્તાને આતંકના વિત્તપોષણમાં સામેલ લોકો પર પ્રતિબંધ લગાવવો જોઈએ અને કેસ ચલાવવો જોઈએ. પાકિસ્તાને આતંકવાદના વિત્તપોષણને રોકવા માટે વધારે પ્રયત્નો કરવાની જરૂર છે. જૂન 2018માં FATFએ પાકિસ્તાનને ગ્રે લિસ્ટમાં મૂક્યું હતું. તે સમયે પાકિસ્તાનને ધન શોધન અને આતંકવાદ સામે વિત્તપોષણ રોકવા માટે 27 પોઇન્ટની કાર્ય યોજનાને 2019ના અંત સુધી લાગુ કરવાનો આદેશ આપ્યો હતો. જોકે કોરોના વાયરસના કારણે સમય સીમા વધારી હતી.

 
7600ની મૂળ યાદીમાંથી 4000થી વધારે આતંકવાદીઓના નામ અચાનક ગાયબ 

જે આદેશોને પૂરા કરવામાં પાકિસ્તાન નિષ્ફળ રહ્યું છે તેમાં જૈશ એ મોહમ્મદ પ્રમુખ અઝહર, લશ્કર એ તૈયબાના સંસ્થાપક સીડ અને સંગઠનના ઓપરેશનલ કમાન્ડર જહુર રહમાન લખવી જેવા આતંકવાદીઓ સામે કાર્યવાહી સામેલ છે. એક અધિકારીએ કહ્યું કે એફએટીએફએ એ તથ્ય પર ભાર આપ્યો છે કે તેની એન્ટી ટેરીરીઝમ એક્ટની અનુસુચી IVના અંતર્ગત 7600ની મૂળ યાદીમાંથી 4000થી વધારે આતંકવાદીઓના નામ અચાનક ગાયબ થઈ ગયા હતા.
 

દુનિયાના 4 મોટા દેશ અમેરિકા, બ્રિટન, ફ્રાન્સ અને જર્મની આતંકવાદીઓ સામે કરેલી કાર્યવાહીથી સંતુષ્ટ નથી. પાકિસ્તાનને ગ્રે લિસ્ટમાં યથાવત રાખવાનું આ પણ એક કારણ હોઈ શકે છે.