આતંકી ફન્ડિંગને લઇને પાકિસ્તાનને ફાઇનાન્શિયલ એક્શન ટાસ્ક ફોર્સ (FATF)ની ગ્રે લિસ્ટમાં જાળવી રાખવામાં આવ્યું છે. જોકે તેના પર કોઇ નવો પ્રતિબંધ લગાવવામાં આવ્યો નથી. સૂત્રો આ અંગે જાણકારી આપી છે. સાથે જ એફએટીએફે પાકિસ્તાનને મની લોન્ડ્રિંગ અને આતંકી ફન્ડિંગના દોષિતોને કાયદા હેઠળ લાવવાની માંગ કરી છે.
આતંકી ફન્ડિંગને લઇને પાકિસ્તાનને FATFની ગ્રે લિસ્ટમાં જાળવી રાખવામાં આવ્યું
PAK દ્વારા આતંકી ફન્ડિંગ વિરુદ્ધ ઉઠાવવામાં પગલાઓ પર સંતોષ વ્યક્ત કરવામાં આવ્યો
એફએટીએફની બેઠક પેરિસમાં 16 ફેબ્રુઆરીથી શરૂ થઇ અને 21 ફેબ્રુઆરી સુધી ચાલશે
'એક્સપ્રેસ ટ્રિબ્યૂન' એ પેરિસમાં ચાલી રહેલી એફએટીએફ બેઠકના સૂત્રોના હવાલાથી જાણકારી આપતા કહ્યું કે તેમા 'પાકિસ્તાન દ્વારા આતંકી ફન્ડિંગ વિરુદ્ધ ઉઠાવવામાં આવેલા પગલાઓ પર સંતોષ વ્યક્ત કરવામાં આવ્યો'.
આતંકીઓને આર્થિક મદદ રોકવાની દિશામાં કામ કરનારી સંસ્થા એફએટીએફની બેઠક પેરિસમાં 16 ફેબ્રુઆરીથી શરૂ થઇ અને 21 ફેબ્રુઆરી સુધી ચાલશે. તેમા એ વાતની સમીક્ષા કરવામાં આવી રહી છે કે પાકિસ્તાને આતંકી ફન્ડિંગ અને મની લોન્ડ્રિંગ પર લગામ લગાવવા માટે તેને સોંપવામાં આવેલી 27 સૂત્રીય કાર્યયોજના પર કેટલી હદે અમલ કર્યો છે. તેના પર પાક.નું એફએટીએફની ગ્રે લિસ્ટમાં રહેવુ અથવા તેમાંથી નીકળીને વ્હાઇટ લિસ્ટમાં અથવા બ્લેક લિસ્ટમાં જવુ નિર્ભર છે.
સૂત્રો મુજબ, બેઠકમાં જણાવવામાં આવ્યું છે કે 27 સૂત્રીય કાર્યયોજનામાંથી પાકિસ્તાને 14 પર પૂર્ણ રીતે અમલ કર્યો છે. 11 પર આંશિક રૂપે અમલ કર્યો છે જ્યારે બે બિંદુઓ એવા છે કે તેને લાગુ કરી શકવો સંભવ નથી. પાકિસ્તાની અધિકારીઓએ જણાવ્યું કે સજાને સુનિશ્ચિત કરવા માટે કાયદાઓમાં જરૂરી સંશોધન કરવામાં આવ્યા છે.