BIG BREAKING / ફરીવાર આતંકી હુમલાથી હચમચી ઉઠ્યું પાકિસ્તાન: પોલીસ સ્ટેશન પર એટેક કરતા 12ના મોત, 40થી વધુ ઘાયલ

• પાકિસ્તાનમાં આતંકવાદી હુમલો 
• પોલીસ સ્ટેશન પર આતંકી હુમલો
• 2 બ્લાસ્ટમાં 12ના મોત, 40થી વધુ ઈજાગ્રસ્ત

પાકિસ્તાન ફરી એકવાર બોમ્બ બ્લાસ્ટથી હચમચી ગયું છે. પાકિસ્તાનના સ્વાત જિલ્લાના એક પોલીસ સ્ટેશન પર સોમવારે આતંકી હુમલો થયો હતો. આ હુમલામાં 12 લોકોના મોત થયા છે. મૃતકોમાં આઠ પોલીસકર્મીઓનો પણ સમાવેશ થાય છે. તો આ હુમલામાં ઈજાગ્રસ્તોની સંખ્યા 40થી વધુ જણાવવામાં આવી રહી છે. આ હુમલો સ્વાત જિલ્લાના કબાલમાં કાઉન્ટર ટેરરિઝમ ડિપાર્ટમેન્ટ (CTD)માં થયો હતો. તેને આતંકવાદી હુમલો માનવામાં આવી રહ્યો છે.

Pakistan: 12 policemen killed, over 40 injured in blasts at counterterrorism office in Swat

Read @ANI Story | https://t.co/A3ZAKWeRhD#Pakistan #SwatTwinexplosions #CounterTerrorismDepartment pic.twitter.com/NFm2gbHK1x

— ANI Digital (@ani_digital) April 25, 2023

પોલીસ સ્ટેશનમાં થયા બે બ્લાસ્ટ
એક રિપોર્ટ અનુસાર, પોલીસે ઘટના વિશે જણાવ્યું છે કે પોલીસ સ્ટેશનની અંદર બે બ્લાસ્ટ થયા હતા. આ બ્લાસ્ટના કારણે ઈમારતો સંપૂર્ણપણે સમતળ થઈ ગઈ છે. આ હુમલાની કોઈએ જવાબદારી લીધી નથી, પરંતુ પાકિસ્તાની તાલિબાને ગયા વર્ષે સરકારની સાથે યુદ્ધવિરામ સમાપ્ત કર્યા પછી આ પ્રકારના હુમલાઓ કરવાનો દાવો કર્યો હતો. 

હજુ વધી શકે છે મૃત્યુઆંકઃ પોલીસ અધિકારી
પોલીસે જણાવ્યું કે પ્રાંતના લક્કી મારવત જિલ્લામાં એક આતંકવાદ વિરોધી ઓપરેશન હાથ ધરવામાં આવ્યું હતું, જેમાં ત્રણ આતંકવાદીઓ માર્યા ગયા હતા. આ ઓપરેશનના કલાકો પછી બ્લાસ્ટ થયો. હાલ એ સ્પષ્ટ નથી કે પોલીસ સ્ટેશન પર થયેલો હુમલો તેની સાથે સંબંધિત છે કે નહીં. વરિષ્ઠ પોલીસ અધિકારી અતાઉલ્લા ખાને જણાવ્યું કે, આતંકવાદ વિરોધી પોલીસ બિલ્ડિંગનો એક ભાગ પડી ગયો અને બચાવકર્મીઓએ મૃતકોના મૃતદેહો અને ઈજાગ્રસ્તોને બહાર કાઢ્યા હતા. તેમણે કહ્યું કે, મૃત્યુઆંક વધી શકે છે.

PM શાહબાઝ શરીફે આ ઘટનાની નિંદા કરી
અતાઉલ્લા ખાને કહ્યું કે, પોલીસ કમ્પાઉન્ડમાં કબાલ સિટી પોલીસ સ્ટેશન અને રિઝર્વ પોલીસ ફોર્સનું હેડક્વાર્ટર પણ છે, પરંતુ આતંકવાદ વિરોધી વિભાગની ઇમારતને સૌથી વધુ નુકસાન થયું છે. તો પાકિસ્તાનના વડાપ્રધાન શાહબાઝ શરીફે આ ઘટનાની નિંદા કરી અને શોક વ્યક્ત કર્યો. આ સાથે તેમણે સંબંધિત અધિકારીઓ પાસેથી ઘટનાનો રિપોર્ટ માંગ્યો છે.