IPLIN
 
  • Home
  • વિશ્વ
  • Extra
  • pakistan-tehreek-e-insaf-pti-chairman-imran-khan-will-be-sworn-in-as-the-22nd-prime-minister

ઇમરાન ખાન બન્યા પાક.ના 22માં 'કપ્તાન'રાષ્ટ્રપતિએ લેવડાવ્યા શપથ

Team VTV 12:10 PM, 18 Aug 18 | Updated: 06:54 PM, 30 Mar 19
Follow us
pakistan-tehreek-e-insaf-pti-chairman-imran-khan-will-be-sworn-in-as-the-22nd-prime-minister
પૂર્વ ક્રિકેટર ઈમરાન ખાન આજે પાકિસ્તાનના પ્રધાનમંત્રી પદના શપથ લીધા હતા.. ત્યારે પૂર્વ ભારતીય ક્રિકેટર અને કોંગ્રેસ નેતા નવજોતસિંહ સિદ્ધૂ પાકિસ્તાનમાં ઈમરાન ખાનના શપથ ગ્રહણ સમારોહમાં ખાસ હાજર રહ્યા હતા. તેઓ અટારી વાઘા બોર્ડર થઈને પહોંચ્યા હતા. 
  પાકિસ્તાન ખાતે યોજાયેલ નવા વડાપ્રધાનની શપથવિધી કાર્યક્રમમાં સૌ પ્રથમ સિદ્ધુ પાકિસ્તાનના આર્મી ચીફને ગળે મળીને ભેટ્યા હતા. આ સાથે તેઓએ ઔપચારિક વાતચીત પણ કરી હતી. પાક.ના વડાપ્રધાનના શપથગ્રહણ કાર્યક્રમમાં પૂર્વ ક્રિકેટર અને પાકિસ્તાનના વડાપ્રધાન ઇમરાન ખાનના પત્ની પણ આ કાર્યક્રમમાં ખાસ હાજર રહ્યા હતા.
  ઉલ્લેખનીય છે કે નવજોતસિંહ સાથે સાથે પૂર્વ ક્રિકેટર સુનિલ ગવાસ્કર અને કપિલ દેવને પણ ઈમરાન ખાનના શપથ સમારોહનું ઔપચારીક આમંત્રણ આપવામાં આવ્યું હતું. પાકિસ્તાન પહોંચીને નવજોતસિંહ સિદ્ધૂએ જણાવ્યું કે હું રાજકીય કારણોસર અહીં નથી આવ્યો. હું અહીં પ્રેમ શાંતિ અને ખુશીનો સદભાવના દૂત બનીને આવ્યો છે. 
  મેં ખાન સાહેબને રમતા બહુ જોયા છે કે કેવી રીતે તેઓ પોતાની ખામીઓને તાકાતમાં પલટી નાખતા. પાકિસ્તાનને આજે તેમની જરૂર છે.
  આપને જણાવી દઇએ કે નવજોતસિંહ સિદ્ધૂ ઈમરાન ખાન માટે ખાસ ભેટ લઈને પણ ગયા છે. તેઓ ઈમરાન ખાન માટે કશ્મીરી સાલ લઈને ગયા છે. જે પ્રેમનું પ્રતિક હોવાનું તેમનું કહેવું છે. નવજોતસિંહનું કહેવું છે કે આ સાલ મને ખૂબ જ પસંદ છે અને તેથી જ હું તેમના માટે લાવ્યો છું.  

'કેપ્ટન' ઈમરાન કોણ ? 
  • 25 નવેમ્બર 1952માં પાકિસ્તાનના લાહોરમાં જન્મ થયો 
  • પાકિસ્તાનના પૂર્વ ક્રિકેટર છે ઈમરાન ખાન 
  • 1971-1992 સુધી પાકિસ્તાની ક્રિકેટ ટીમ માટે રમ્યા 
  • 1992માં ક્રિકેટમાંથી સંન્યાસ લીધા બાદ સામાજિક કાર્યો કર્યા 
  • 25 એપ્રિલ 1996માં ઈમરાન ખાને રાજનીતિમાં પ્રવેશ કર્યો 
  • પાકિસ્તાન તહરીક-એ-ઈન્સાફ નામની રાજકીય પાર્ટી બનાવી 
  • 1997ની જનરલ ચૂંટણીમાં તેમની પાર્ટી હારી ગઈ 
  • 1999માં જનરલ પરવેઝ મુશર્રફના સૈન્ય તખ્તા પલટનું સમર્થન કર્યું 
  • 2002ની ચૂંટણીમાં PTIએ 272માંથી 1 બેઠક પર વિજય મેળવ્યો 
  • 16 નવેમ્બર 2002માં સાંસદ તરીકે શપથ લીધા 
  • 2007માં રાષ્ટ્રપતિ ચૂંટણીનો વિરોધમાં સાંસદ પદેથી રાજીનામું 
  • 2007માં રાષ્ટ્રપતિ મુશર્રફે પાકિસ્તાનમાં ઈમરજન્સી જાહેર કરી 
  • ઈમરજન્સી જાહેર થયા બાદ ઈમરાન ખાનને ઘરમાં નજરબંધ કરાયા 
  • 2013માં ચૂંટણીમાં ઈમરાનની પાર્ટી બીજી સૌથી મોટી પાર્ટી તરીકે ઉભરી આવી 
  • 2018ની ચૂંટણીમાં ઈમરાન ખાનની પાર્ટી PTI સૌથી મોટી પાર્ટી બની 


 
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ