સુફિયાણી સલાહ / શરમ છે કે નહીં ! હિજાબ વિવાદમાં કૂદ્યું પાકિસ્તાન, લાલચોળ થયેલા ભારતે કરી મોટી કાર્યવાહી, થઈ બોલતી બંધ

• કર્ણાટક હિજાબ વિવાદમાં કૂદ્યું પાકિસ્તાન
• પાક.વિદેશ મંત્રાલયે ભારતીય રાજદ્વારીને તેડાવ્યાં
• હિજાબ મુદ્દે ગંભીરતાથી કાર્યવાહી કરવાની સલાહ આપી
• ભારતે પાકિસ્તાનની આ હરકતને ગંભીરતાથી લીધી

કર્ણાટક હિજાબ મામલે હવે પાકિસ્તાને પણ ઝૂકાવ્યું છે.  પાકિસ્તાનના વિદેશ મંત્રાલયે ઈસ્લામાબાદ સ્થિત એક ભારતીય રાજદ્વારીને સમન્સ પાઠવીને રુબરુ તેડાવ્યાં હતા અને આ મુદ્દે ગંભીર ચિંતા વ્યક્ત કરી છે. ભારતીય અધિકારીએ પાકિસ્તાનને પહેલા પોતાના ટ્રેક રેકોર્ડ પર નજર કરવા માટે કહ્યું.

Depriving Muslim girls of an education is a grave violation of fundamental human rights. To deny anyone this fundamental right & terrorise them for wearing a hijab is absolutely oppressive. World must realise this is part of Indian state plan of ghettoisation of Muslims.

— Shah Mahmood Qureshi (@SMQureshiPTI) February 9, 2022

ભારતે હિજાબ વિવાદમાં ત્વરિત કાર્યવાહી કરવી જોઈએ-પાક.વિદેશ મંત્રાલય 
ભારતીય રાજદ્વારીને બોલાવવા અંગે પાકિસ્તાનના વિદેશ મંત્રાલયના પ્રવક્તાએ એક નિવેદન બહાર પાડ્યું હતું જેમાં કહેવામાં આવ્યું હતું કે, "ભારતીય રાજદ્વારીને વિનંતી કરવામાં આવી હતી કે તેઓ ભારત સરકારને જણાવે કે કર્ણાટકમાં આરએસએસ-ભાજપ ગઠબંધન દ્વારા ચલાવવામાં આવી રહેલા હિજાબ વિરોધી અભિયાન અંગે પાકિસ્તાન ખૂબ ચિંતિત છે. આ ભારત સરકારના મુસ્લિમ મહિલાઓને અમાનવીય બનાવવાના બહિષ્કાર અને બહુમતીવાદી એજન્ડાનો એક ભાગ છે.

પાકિસ્તાનના વિદેશ મંત્રીએ પણ ભારતને ચાબખા માર્યાં 

પાકિસ્તાનના વિદેશ મંત્રીએ પણ ટ્વીટ કરીને કર્ણાટક હિજાબ વિવાદને લઈને ભારત સરકાર પર કટાક્ષ કર્યો હતો. તેમણે ટ્વિટ કર્યું હતું કે, "મુસ્લિમ છોકરીઓને શિક્ષણથી વંચિત રાખવી એ તેમના મૂળભૂત અધિકારોનું ઘોર ઉલ્લંઘન છે. કોઈને પણ આ મૂળભૂત અધિકારથી વંચિત રાખવા અને હિજાબ પહેરવા માટે તેમને આતંકિત કરવા દમનકારી છે. દુનિયાએ સમજવું જોઈએ કે આ બધું ભારત સરકારની મુસ્લિમોને ઘેટ્ટો (લઘુમતી સમુદાય માટે બનેલી એક સાંકડી વસાહતમાં રાખવાની યોજનાનો એક ભાગ છે."

પાકિસ્તાન પોતાના ઘરનું સંભાળે-ભારતે આપ્યો જડબાતોડ જવાબ 

પાકિસ્તાનની આ હરકત બાદ ભારત પણ લાલઘુમ બન્યું છે. ભારતીય રાજદ્વારી સુરેશ કુમારે પાકિસ્તાની અધિકારીઓને કહ્યું કે ભારત એક બિનસાંપ્રદાયિક દેશ છે. આ કામ દેશમાં એક પ્રક્રિયા હેઠળ થાય છે. ભારતીય અધિકારીએ એવું પણ કહ્યું કે પાકિસ્તાને પોતાનો ટ્રેક રેકોર્ડ જોવો જોઈએ અને ઘરનું સંભાળવું જોઈએ. ભારતની બાબતોમાં માથુ મારવાની જરુર નથી. 

“College is forcing us to choose between studies and the hijab”.

Refusing to let girls go to school in their hijabs is horrifying. Objectification of women persists — for wearing less or more. Indian leaders must stop the marginalisation of Muslim women. https://t.co/UGfuLWAR8I

— Malala (@Malala) February 8, 2022

 ભારતે મુસ્લિમ મહિલાઓની ઉપેક્ષા બંધ કરવી જોઈએ-મલાલા 

પાકિસ્તાનની મહિલા માનવાધિકાર કાર્યકર્તા અને નોબેલ પુરસ્કાર વિજેતા મલાલા યુસુફઝઈએ પણ આ મુદ્દે પ્રતિક્રિયા આપી છે અને ભારત સરકારને મુસ્લિમ મહિલાઓની ઉપેક્ષા બંધ કરવા માટે કહ્યું છે. મલાલાએ પોતાના એક ટ્વિટમાં લખ્યું, "કોલેજ અમને શિક્ષણ અને હિજાબમાંથી એકની પસંદગી કરવા માટે દબાણ કરી રહી છે." છોકરીઓ જ્યારે હિજાબ પહેરે છે ત્યારે તેમને શાળામાં પ્રવેશતા અટકાવવાનું ભયાનક છે. છોકરીઓ હજી પણ વધુ કે ઓછા કપડાં પહેરવાની વાત આવે ત્યારે પોતાને માત્ર એક વસ્તુ તરીકે જ વિચારતી રહે છે. ભારતીય નેતાઓએ મુસ્લિમ મહિલાઓને હાંસિયામાં ધકેલાતી અટકાવવી જોઈએ.