નાપાક હરકત / વિધાનસભા ચૂંટણી પહેલા મોટા ષડયંત્રનો પર્દાફાશ, પંજાબમાં ડ્રોન દ્વારા 2 ટિફિન બોમ્બ મોકલવામાં આવતા મચ્યો ખળભળાટ

• પાકિસ્તાનની વધું એક નાપાક હરકત 
• સુરક્ષાદળોએ કોશિશ નાકામ કરી
• ડ્રોન પર ફાયરીંગ કરી પાછું મોકલી દીધું

ભારત અને પાકિસ્તાનની સરહદ પર હંમેશા કંઈકને કંઈક થતું રહે છે. પાકિસ્તાન તરફથી ભારતને અસ્થિર કરવાની કોશિશ થતી આવી છે. પણ સજાગ સુરક્ષાબળો તરફથી તેમની દરેક કોશિશને નિષ્ફળ કરવામાં આવી રહી છે. બોર્ડર સિક્યુરિટી ફોર્સે આજે બુધવારે દાવો કર્યો છે કે, પંજાબમાં ભારત-પાકિસ્તાન સરહદ પાસે એક ડ્રોનથી નશીલા પદાર્થો અને હથિયારોની તસ્કરીના પ્રયાસોને નિષ્ફળ કરી દેવામાં આવ્યો છે. 

ડ્રોન મારફતે ટિફિન બોમ્બ મોકલવામાં આવ્યા

બીજી બાજૂ પંજાબમાં હાલમાં વિધાનસભા ચૂંટણી થઈ રહી છે અને ચૂંટણી પહેલા પંજાબમાં હચમચાવાનું ષડયંત્ર નાકામ થયું છે. પાકિસ્તાન તરફથી ડ્રોનના માધ્યમથી મોકલવામાં આવેલા ટિફિન બોમ્બ પણ જપ્ત કરવામાં આવ્યા છે. અમૃતસર તાલુકાન અજનાલાની બીઓપી પંઝમાં પાકિસ્તાન તરફથી ડ્રોન દ્વારા ટિફિન બોમ્બ મોકલવામાં આવ્યા હતા. આ ટિફિન બોમ્બ બે જગ્યાએ ફેંકવામાં આવ્યા હતાં. જો કે, બીએઅએફના એલર્ટ જવાનો એ ડ્રોન પર ફાયરીંગ કરીને પાછું પાકિસ્તાન તરફ ખદેડી દીધું હતું. સર્ચ દરમિયાન સુરક્ષા દળોને 2 ટિફિન બોમ્બ મળ્યા હતા. બીએસએફના અધિકારીઓનું માનીએ તો, પાક પોતાની નાપાક હરકતોથી સુધરવાનું નામ નથી લેતું.

પેકેટમાં વિંટાળેલી મળી પિસ્તોલ

BSFના એક વરિષ્ઠ અધિકારીએ કહ્યું કે, ગુરૂદાસપુર સેક્ટરના પંજગ્રેન વિસ્તારમાં મંગળવારે મોડી રાતે લગભગ એક કલાકે પાકિસ્તાન તરફથી ભારતીય હદ વિસ્તારમાં ઉડીને આવી રહેલી એક સંદીગ્ધ વસ્તુનો અવાજ સંભળાયો. જે બાદ સૈનિકોએ ડ્રોન પર ગોળીબાર કર્યો.

સર્ચ ઓપરેશન શરૂ કર્યું

વધુમાં જણાવ્યું કે, ગ્રામ ધગ્ગર અને સિંધૌકે વિસ્તારમાં તપાસ દરમિયામન અત્યાર સુધીમાં સંદીગ્ધ માદક પદાર્થની સાથે પીળા રંગના બે પેકેટ પણ જપ્ત કરવામાં આવ્યા છે. તેમણે કહ્યું કે, એવી શંકા હતી કે, આ પેકેટ ડ્રોનથી પાડવામાં આવ્યા છે. અધિકારીએ જણાવ્યું હતું કે, પેકેટમાં એક પિસ્તોલ વિંટાળેલી હતી. અને તે 2.7 કિમી દૂર એક ખેતરમાંથી મળી આવ્યું છે. તેમણે કહ્યું કે, એ જાણવાની કોશિશ ચાલી રહી છે કે, શું ડ્રોન પડી ગયું કે, પછી ગાયબ થઈ ગયું.