મહામારી / અહીં સ્કૂલો ખૂલતાની સાથે જ કોરોનાના કારણે બંધ કરવી પડી, બે દિવસ પહેલા જ ખૂલી હતી

• દુનિયામાં સંક્રમિતોનો આંકડો ૩.૦૩ કરોડને પાર 
• પાકિસ્તાનમાં સ્કૂલ ખોલવાનો નિર્ણય મોંઘો પડ્યો 

ઇમરાનખાન સરકારે મંગળવારે નવમા અને ૧૦મા ધોરણ ઉપરાંત કોલેજો ખોલી હતી. ગુરુવારે ૩૨ શાળાને બંધ કરવી પડી હતી. તેનું કારણ નિયમોનું પાલન ન થયું તે હતું. કેટલીક સ્કૂલમાં પાયાની સુવિધાઓ ન હતી. 

એક સ્કૂલમાં બે વિદ્યાર્થીઓ પોઝિટિવ આવ્યા

એક સ્કૂલમાં બે વિદ્યાર્થીઓ પોઝિટિવ આવ્યા. વિપક્ષ પહેલેથી જ સરકારના આ નિર્ણયનો વિરોધ કરતો હતો. ખૈબર પખ્તુનખામાં સૌથી વધુ ૧૬ શાળા બંધ કરવામાં આવી હતી. રાજધાની ઇસ્લામાબાદમાં બે સ્કૂલ બંધ કરવી પડી.

સરકારે કહ્યું કે તેઓ વ્યવસ્થા પૂરતી થયા બાદ આગળની કાર્યવાહી પર વિચાર કરશે. યુનાન પ્રાંતના રુઇલી શહેરને સંક્રમણના ખતરાને જોતાં સંપૂર્ણપણે બંધ કરવાનું નક્કી કરાયું છે. કોઇ પણ પ્રકારની અવરજવર પર પ્રતિબંધ મૂકવામાં આવ્યો છે. લોકોને કહેવામાં આવ્યું છે કે ઘરેથી બહાર ન નીકળે. આ શહેર મ્યાનમારની સીમા સાથે જોડાયેલું છે. થોડા દિવસો પહેલાં અહીં બે નવા દર્દી મળ્યા હતા. 

ગુરુવારે અહીં ૩૬૦ ટેસ્ટિંગ સાઇટ્સ બનાવવામાં આવી

ત્યાર બાદ શહેરની તમામ સીમાઓ પર ચેક પોસ્ટ લગાવી દેવામાં આવી છે. ગુરુવારે અહીં ૩૬૦ ટેસ્ટિંગ સાઇટ્સ બનાવવામાં આવી હતી. તેમાં ૧૨૦૦ લોકોનો સ્ટાફ છે. અત્યાર સુધી અહીં ૬૦,૦૦૦ લોકોનો ટેસ્ટ કરાયો છે. 

ઓસ્ટ્રેલિયાના મેલબોર્નમાં એક હોસ્પિટલમાં ૧૦૦ વર્ષના દર્દીને રજા મળી ગઇ છે. ગુરુવારે ઇલાજ બાદ તેઓ હવે સંપૂર્ણ રીતે સ્વસ્થ છે. સેન્ટ વિન્સેંટ હોસ્પિટલના ડિરેક્ટરે કહ્યું કે દર્દીનું નામ રોય છે. ઓસ્ટ્રેલિયામાં અત્યાર સુધી કોરોનાથી ૮૨૪ લોકો મોતને ભેટ્યા છે.