મહામારી / ચીનની વેક્સિનને લઈને પાકિસ્તાને એવું કહી દીધું કે, સમગ્ર વિશ્વમાં ઉઘાડું પડ્યું ડ્રેગન

• કોરોના રસીને લઈને દુનિયાભરમાં ભારતનો ડંકો 
• પાકિસ્તાને ચીનની વેક્સિન પર ઉભા કર્યા સવાલ
• કહ્યું- 60 વર્ષથી વધુ લોકો પર અસરકારક નથી વેક્સિન

જો કે, પડોશી દેશો ભારતની પ્રશંસા કરતા થાકતા નથી, પરંતુ બીજી બાજુ ચીન છે, જેનો પોતાનો ગુલામ પાકિસ્તાને હવે તેની સામે પ્રશ્નો ઉભા કર્યા છે. ચીન તેની રસી વિશે આખા વિશ્વમાં વાહવાઇ કરાવે પરંતુ તેની વાસ્તવિકતા શું છે, પાકિસ્તાને તેનું પોલ ખોલી નાખી છે. પાકિસ્તાને સ્પષ્ટ શબ્દોમાં જણાવ્યું છે કે 60 વર્ષથી વધુ ઉંમરના લોકો પર ચીનની સાયનોફોર્મ રસી અસરકારક નથી.

પાકિસ્તાને કહ્યું- ચીનની વેક્સિન 60 વર્ષથી વધુના લોકો પર અસરકારક નથી 

પાકિસ્તાને પોતાના એન્ટી કોવિડ -19 રસીકરણ અભિયાન શરૂ કર્યાના એક દિવસ બાદ ગુરુવારે કહ્યું હતું કે, ચીનની સિનોફોર્મ રસી 60 વર્ષથી વધુ વયના લોકો માટે અસરકારક નથી. ચીને પાકિસ્તાનને પાંચ લાખ સિનોફાર્મ રસી દાનમાં આપી હતી, જેને લેવા માટે સોમવારે પાકિસ્તાનથી ખાસ વિમાન ગયું હતું. અહીં એ વાતનો ઉલ્લેખ કરવો જરૂરી છે કે ચીને આશરે 21 કરોડની વસ્તી સાથે પાકિસ્તાને માત્ર પાંચ લાખ રસી દાન આપ્યા હોવા છતાં, તેણે સ્પષ્ટ શબ્દોમાં કહ્યું છે કે પાકિસ્તાન પોતાનું વિમાન મોકલે અને સ્વખર્ચે તેમણે વેક્સિન સ્વખર્ચે લઈ જવી પડશે. 

પાકિસ્તાનના પ્રધાનમંત્રીના સ્વાસ્થ્ય સલાહકારનું નિવેદન 

પાકિસ્તાનના પ્રધાનમંત્રી ઇમરાન ખાનના સ્વાસ્થ્ય મામલાના વિશેષ સહાયક ડોક્ટર ફૈઝલ સુલતાને આજે મીડિયાને જણાવ્યું કે, પાકિસ્તાનની નિષ્ણાત સમિતિએ ડેટાના પ્રારંભિક વિશ્લેષણ પર વિચાર કર્યા બાદ સૂચન આપ્યું છે કે, રસી માત્ર 18થી 60 વર્ષના લોકોને જ લગાવી શકાશે. આ રસી 60થી વધુ ઉંમર ધરાવતા લોકો માટે અસરકારક સાબિત થશે નહીં. 

પાકિસ્તાનને મળશે ભારતની કોરોના રસી 

પાકિસ્તાનને ભારત તરફથી 1.70 કરોડ રસી મફત આપવામાં આવી રહી છે. તેને કોવાક્સ પ્રોગ્રામ હેઠળ આ જથ્થો મળવાનો છે. ઓક્સફર્ડ-એસ્ટ્રાઝેનેકા અને સીરમ ઇન્સ્ટિટ્યૂટ ઓફ ટેકનોલોજી દ્વારા તૈયાર કરાયેલી કોવિશિલ્ડને પાકિસ્તાને સૌ પ્રથમ ઇમરન્સી ઉપયોગ માટે મંજૂરી આપી હતી, પરંતુ ઇમરાન ખાનની સરકારી તિજોરીમાં ન તો રસી ખરીદવા માટે પૂરતા પૈસા છે અને ન તો ભારત સરકાર પાસે રસી માંગવાની હિંમત. આ દરમિયાન, રવિવારે ઇમરાન ખાનના વિશેષ સહાયક (આરોગ્ય) ડો. ફૈઝલ સુલતાને જાહેરાત કરી હતી કે, આવતા મહિનાથી (ફેબ્રુઆરી) પાકિસ્તાનને પણ એસ્ટ્રાઝેનેકા રસી આપવામાં આવી રહી છે. તેમણે જણાવ્યું હતું કે 60 લાખ ડોઝની ડિલિવરી માર્ચ સુધીમાં કરવામાં આવશે અને જૂન સુધીમાં 1.70 કરોડ ડોઝ મળી જશે.