પાકિસ્તાનની નાપાક હરકત ટેક્નોલોજી દ્વારા ઘુસણખોરીનો પ્રયાસ

વિશ્વ આજે નવી ટેક્નોલોજીનો ઉપયોગ કરીને લોકજીવનની સુખાકારી વધારવાની દીશમાં સતત પ્રયત્નશીલ છે ત્યારે અસમાજિક તત્વોનો અડ્ડો બનેલા પાકિસ્તનને ટેક્નોલોજીનો ઉપયોગ પણ પોતાના બદઇરાદાઓ પુરા કરવા માટે કરવો છે. ચોરને ગમે તેટલુ મોટુ વરદાન મળે તો પણ તે ચોરી કરવાનું છોડતો નથી તેમ આતંકનો પર્યાય બનેલ પાકિસ્તાન પણ ટેક્નોલોજીના વરદાનનો ઉપયોગ નરસંહાર માટે કરવા માગે છે. ત્યારે શું છે પાકના ટેક્નોલોજીકલ નાપાક ઈરાદા જોઈએ આ અહેવાલમાં.

ભારત આજે મંગળ પર પહોંચી ગયુ છે પણ ભારતનું જ પડોશી પાકિસ્તાન હજુ ભારતમાં ઘુસવા માટે વલખા મારે છે. પાકિસ્તાનની જાસુસી સંસ્થા ISI ભારતમાં ઘુસણખોરી કરવા માટે સતત પ્રયત્નશીલ રહે છે. ઋતુ કોઈ પણ હોય આ નારપિશાચોનું ધ્યેય એક જ હોય છે કે કેવી રીતે ભારતમાં ઘુસણખોરી કરી શકાય.

ત્યારે શિયાળામાં ભારતમાં ઘુસવા માટે નાપાક પાકિસ્તાને નવો પ્લાન ઘડી કાઢ્યો છે. આઈએસઆઈએ આતંકીઓ માટે ખાસ પ્રકારનો ડ્રેસ બનાવડાવ્યો છે. જેની મદદથી કડકડતી ઠંડી અને બરફના રસ્તાઓમાં આ પાપીઓ ભારતમાં ઘુસવાનો પ્રયાસ કરશે. 

ભારતમાં ઘુસનારા આતંકીઓને કમાન્ડ આપવા માટે આઈએસઆઈ દ્વારા ખાસ પ્રકારના સેટેલાઈટ ફોનનો ઉપયોગ કરવામાં આવી રહ્યો છે. સેટેલાઈટ ફોનની મદદથી કોઈ પણ ભૌગોલિક વિસ્તાર પરથી ઉપગ્રહના માધ્મથી સંપર્ક સાધી શકાય છે. 

એવામાં ઘાટીઓના ગાઢ વિસ્તારમાં રહેલા પાકિસ્તાન પ્રેરિત આતંકીઓ આ ફોનનો ઉપયોગ કરી રહ્યા છે. ભારતમાં આતંકીઓના ખાત્મા માટે ચાલી રહેલા સેનાના ઓપરેશનને લઈને પાકિસ્તાનમાં રહેલા આતંકીઓના આકાઓમાં ભય પેસી ગયો છે. જેથી આતંકીઓને દિશા નિર્દેશ કરવા માટે સેટેલાઈટ ફોનનો પ્રયોગ કરી રહ્યા છે. 

સુરક્ષા વિભાગના સૂત્રો પ્રમાણે પાકિસ્તાની સેના અને આઈએસઆઈ સેટેલાઈટ ફોનની મદદથી કશ્મીરની ઘાટીઓમાં રહેલા આંતકીઓનું સતત બ્રેનવોશ કરતા રહે છે. આ સેટેલાઈટ ફોનનો ઉપયોગ લોન્ચિંગ પેડ પરથી આતંકવાદીઓને ઘુસણખોરી કરાવવા માટે પણ કરે છે. 

તાજેતરમાં જ ભારતીય સુરક્ષા એજન્સીએ આવા સેટેલાઈટ લોકેશન ટ્રેસ કર્યા છે. આ લોકેશન પાકિસ્તાનમાં બનાવવામાં આવેલા આતંકીઓના લોન્ચ પેડનું છે. જ્યાથી આતંકીઓ અને ઘાટમાં રહેલા હેન્ડલર્સને સેટેલાઈટ ફોનની મદદથી નિર્દેશ કરવામાં આવે છે. POKના રાજૌરી સામે પાકિસ્તાનના ISI નિર્દેશિત સેટેલાઈટ ફોનનું લોકેશન ટ્રેસ કરવામાં આવ્યું છે. રાજૌરી ઉપરાંત 6 જગ્યાઓ પરથી સેટેલાઈટ લોકેશન ટ્રેસ કરવામાં આવ્યા છે. પાકિસ્તાન આ ફોનની મદદથી એન્કોડેડ એટલે કે સાંકેતિક ભાષામાં સંદેશ મોકલે છે જેને સંદેશો જિલનાર આતંકીઓ ડીકોડ કરે છે.  

આ વર્ષે ભારતે 210થી વધુ આતંકીઓને ઠાર કર્યા છે ત્યારે હાલ ઘાટીમાં અંદાજીત 325 આતંકીઓ સક્રિય છે. 325 આતંકીઓ પૈકી 215 સ્થાનિક છે જ્યારે 110 આંતકીઓ પાકિસ્તાની છે. આ લિસ્ટ પ્રમાણે અત્યારે લશ્કરે તોયબાના 148 વિદેશી તેમજ લોકલ આતંકીઓ સક્રિય છે તો બીજા નંબર પર હિજબુલના લોકલ અને પાકિસ્તાનીઓ મળીને કુલ 117 આતંકીઓ સક્રિય છે. જ્યારે જૈશના 40 આતંકીઓ ઘાટીમાં સક્રિય છે. 

ભારતની સેના સામે પાક પ્રેરિત આતંકીઓ સીધી રીતે લડવામાં નિષ્ફળ નિવડ્યા છે ત્યારે હવે ટેક્નોલોજીનો ઉપયોગ કરીને ઘુસણખોરી કરવાની યોજના બનાવી રહ્યા છે. આમ તો ભારત દરેક બાબતમાં પાકિસ્તાનના પિતા તુલ્ય જ છે. પણ ટેક્નોલોજીનો ઉપયોગ કરીને ભારતને બરબાદ કરવાનું સપનું જોતા પાકમાં રહેલા આતંકના આકાઓએ સમજી જવુ કે જો ટેક્નોલીજીનો ઉપયોગ કરીને આંતકને અંજામા આપશો તો ટેક્નોલોજીમાં પણ ભારત પાકિસ્તાનનો બાપ છે તે બતાવી દેશે.