આ નિવેદન સામે આવતા જ ભારતે કરેલી અંતરિક્ષની સ્ટ્રાઈક નજરે આવે છે. ચૂંટણીનાં માહોલમાં અંતરિક્ષની સ્ટ્રાઈકનો ઉલ્લેખ કરાયો પરંતુ સેનાએ જ હવે અંતરિક્ષની નીતિમાં ફેરફાર લાવવાની અપીલ કરી છે જેણે ઘણાં સવાલ ઉભા કર્યા છે.
ભારતીય સેનાનાં એક ઓફિસરે પાકિસ્તાનને ચીનનો પ્રોક્સી સ્પેસ પાવર ગણાવી દીધું છે. પાડોશીઓ ચીન અને પાકિસ્તાનથી વધતા સંભવિત જોખમોને ધ્યાનમાં રાખી ભારતની અંતરિક્ષ નીતિને નવું સ્વરૂપ આપવાની વાત કરી છે. લેફ્ટિનન્ટ જનરલ તરનજીત સિંહે પાંચમા ઓઆરએફ કલ્પના ચાવલા વાર્ષિક પોલીસી ડાયલોગમાં કહ્યું કે, ભારતને સુરક્ષાનાં પડકારોનો સામનો કરવા માટે આધુનિક પ્રાદ્યોગિકીનો ફાયદો ઉઠાવવો જોઇએ.
જનરલસિંહનાં હવાલાથી ઓબ્ઝર્વર રિસર્ચ ફાઉન્ડેશનએ કહ્યું કે, ભારતને સૈન્ય લોજિસ્ટિક માટે જ નહીં પરંતુ હથિયારો અને મિસાઇલની તહેનાતીમાં પણ સ્પેસ ટેક્નિકનો ઉપયોગ કરવો જોઇએ. ચીન અને પાકિસ્તાનની ગતિવિધિઓને ધ્યાનમાં રાખીને સ્પેસ નીતિને ફરીથી તૈયાર કરવી જરૂરી છે. પાક ચીનનો પ્રોક્સી સ્પેસ પાવર છે. પાકિસ્તાનનાં પ્રધાનમંત્રી ઇમરાન ખાને હાલમાં જ ચીનનાં પ્રેસિડન્ટ શી જિનપિંગ સાથે બેલ્ટ એન્ડ રોડ ઇનિશિયેટિવ સમિટમાં આ અંગે વાતચીત કરી હતી. ચીનનો પોતાનો એક અંતરિક્ષ કાર્યક્રમ છે, જેનો ઉપયોગ તે સુરક્ષા અને પીપલ્સ લિબરેશન આર્મીની ક્ષમતા વધારવા માટે કામ કરે છે.
ચીનની એ-સેટ ક્ષમતાએ ભારતને ચિંતામાં મુકી દીધું છે. જો કે, ભારતે પણ એ-સેટ પરિક્ષણમાં સફળતા મેળવી લીધી છે. આવું કરનાર તે વિશ્વનો ચોથો દેશ બની ગયો છે. આ અગાઉ ઇસરોનાં વૈજ્ઞાનિકે કહ્યું હતુ કે, સેટેલાઇટની રક્ષા કરવી અને તેને જાળવી રાખવો ભારત જ નહીં અન્ય દેશો માટે પણ મોટો પડકાર બની ગયો છે. તેને માત્ર અંતરિક્ષ પર નિયંત્રણની મદદથી જ સાધી શકાય છે. હાલનાં સમયમાં અંતરિક્ષમાં 1700 એક્ટિવ સેટેલાઇટ છે.