ટી20 વર્લ્ડકપ 2022નાં સેમીફાઇનલમાં ભારતની 10 વિકેટથી હાર થઇ અને ઇંગ્લેન્ડે ફાઇનલમાં સ્થાન મેળવ્યું. ટીમ ઇન્ડિયાની આ હાર પર પાકિસ્તાનનાં પ્રધાનમંત્રી શાહબાદ શરીફે ટ્વીટ કર્યું જેના પછી તે પોતે જ ટ્રોલ થઇ ગયાં.
પાકિસ્તાનનાં પ્રધાનમંત્રીએ કરી ટ્વીટ
ટીમ ઇન્ડિયાને ટ્રોલ કરવાના કર્યાં પ્રયાસો
ભારતીય અને પાકિસ્તાની યૂઝર્સે તેમને કર્યાં ટ્રોલ
ટી20 વર્લ્ડકપ 2022માં ટીમ ઇન્ડિયાનો સફર પૂર્ણ થયો છે. 10 નવેમ્બરનાં ભારત અને ઇંગ્લેન્ડ વચ્ચે યોજાયેલ સેમીફાઇનલની મેચમાં ભારતની 10 વિકેટથી હાર થઇ છે. હવે 13 નવેમ્બરનાં રોજ પાકિસ્તાન અને ઇંગ્લેન્ડ વચ્ચે ફાઇનલની મેચ રમાશે. ત્યારે પાકિસ્તાનનાં પ્રધાનમંત્રીએ ટ્વીટ કરી છે જેના લીધે લોકો તેને જ ટ્રોલ કરી રહ્યાં છે.
ઇંગ્લેન્ડ-પાકિસ્તાનની મેચની કરી વાત
પાકિસ્તાનનાં પ્રધાનમંત્રી શહબાઝ શરીફે ભારતની હાર પર ટ્વીટ કરી અને રવિવારે થનારી ઇંગ્લેન્ડ-પાકિસ્તાનની ફાઇનલ મેચની વાત કરી. પરંતુ આ ટ્વીટ થકી તેમણે ટીમ ઇન્ડિયાને ટ્રોલ કરવાના પ્રયાસો કર્યાં હતાં. જેના પર ભારતનાં ફેન્સ રોષે ભરાયા અને તેમને જવાબ પણ આપ્યો.
Sick burn burn 🔥 Shiva. Lekin aap support kisko karoge? Pakistan se paisa khaate ho, England mein invest karte ho. Dono hi apne hain.
ટ્વીટમાં સ્કોર લખી ટ્રોલ કરવાની કોશીશ
શહબાઝ શરીફે પોતાની ટ્વીટમાં લખ્યું કે, રવિવારે 152/0 vs 170/0 ની ફાઇનલ મેચ રમાશે. અહીં ટીમ ઇન્ડિયાએ 10 વિકેટનાં નુક્સાન પર ઇંગ્લેન્ડની સામે સેમીફાઇનલની જે મેચ રમી તેમાં ઇંગ્લેન્ડનો સ્કોર 170/0 રહ્યો હતો જ્યારે પાકિસ્તાની ન્યૂઝિલ્ન્ડ સામેની મેચમાં પાકિસ્તાનનો સ્કોર 152/0 રહ્યો હતો.
પાકિસ્તાની પ્રધાનમંત્રીનાં આ પ્રકારનાં ટ્વીટ પર ભારતીય યૂઝર્સે પણ જવાબ આપ્યાં હતાં. કેટલાક યૂઝર્સે લખ્યું કે તમે કોને સપોર્ટ કરશો કારણકે તમારાં પૈસા તો ઇંગ્લેન્ડમાં ઇનવેસ્ટ થયાં છે. તો બીજા યૂઝરે લખ્યું કે તમે પાકિસ્તાનનાં પ્રધાનમંત્રી છો કે પાકિસ્તાનનાં પ્રાઇમ કોમેડિયન? ભારતીય યૂઝર્સે શહબાઝ શરીફને 1971નું યુદ્ધ પણ યાદ અપાવતાં કહ્યું કે તમારો રેકોર્ડ તો 93000/0 હતો. માત્ર ભારતીયો જ નહીં પરંતુ પાકિસ્તાની યૂઝર્સે પણ શહબાઝ શરીફને ટ્રોલ કર્યું હતું.