સીનેટ ચૂંટણીમાં હાર બાદ સંસદમાં ઇમરાન ખાને સરકારે બહુમતિ સાબિત કરી દીધી છે. પાકિસ્તાનની સંસદમાં થયેલા વોટિંગમાં સરકારને સરળતાથી બહુમતિ મળી ગઇ.
બચી ગઈ પાકિસ્તાનની ઈમરાન નિયાઝી સરકાર
સંસદમાં ઈમરાન ખાને બહૂમતિ સાબિત કરી, વિપક્ષે વોટિંગનો કર્યો બહિષ્કાર
વિશ્વાસ મત પર થયેલા વોટિંગ બાદ ઈમરાન સરકારે બહૂમત મેળવ્યો
આજે ઈમરાનને વિશ્વાસના મતનો સામનો કરવો પડી શકે
સેનટમાં એક મોટા પડકારમાં નાણા મંત્રીએ ચૂંટણી હાર બાદ રાજીનામુ આપી દેતા વધતા દબાણની વચ્ચે પીએમ ઈમરાન ખાન શનિવારે વિશ્વાસ પર થયેલા વોટિં બાદ ઇમરાન સરકારે બહુમત મેળવ્યો છે. જેને લઇને પાકિસ્તાનની ઈમરાન નિયાઝી સરકાર બચી ગઈ છે. સંસદમાં ઈમરાન ખાને બહૂમતિ સાબિત કરી હતી. જ્યારે વિપક્ષે વોટિંગનો બહિષ્કાર કર્યો હતો. સરકારના પક્ષમાં વિદેશ મંત્રી શાહ મહેમૂદ કુરૈશીએ વિશ્વાસ પ્રસ્તાવ રજૂ કર્યો હતો. સંસદ બહાર ઈમરાનની પાર્ટીના સમર્થકોએ વિપક્ષના નેતા સાથે મારામારી કરી હતી. પૂર્વ પ્રધાનમંત્રી શાહિદ ખકાન અબ્બાસીને ઈમરાનના સમર્થકોએ દોડાવ્યા હતા.
— Prime Minister's Office, Pakistan (@PakPMO) March 6, 2021
રાષ્ટ્રપતિ આરિફ અલવી શનિવારે સત્ર બોલાવ્યું હતું
ઉલ્લેખનીય છે કે પાકિસ્તાન ડેમોક્રેટિક મૂવમેન્ટ (પીડીએમ)ના ઉમેદવાર અને પૂર્વ પીએમ યૂસુફ રજા ગિલાનીએ બુધવારે ઈમરાનની પાર્ટીના ઉમેદવાર શેખને હરાવીને પીએમને મોટો ઝટકો આપ્યો હતો. નોંધનીય છે 342 સભ્યો નેશનલ એસેમ્બ્લીમાં ખાનની પાર્ટીના 157 સભ્યો છે. નીચલા ગૃહમાં વિપક્ષી પીએમએલ- એન અને પીપીપીના ક્રમશઃ 84 અને 54 સભ્યો છે. રાષ્ટ્રપતિ આરિફ અલવી શનિવારે સત્ર બોલાવ્યું હતું.
મેં પાકિસ્તાનને ધીરે ધીરે નીચે આવતા જોયું છેઃ ઈમરાન
પાકિસ્તાનના પીએમ ઈમરાન ખાને પોતાના રાજનીતિક પ્રતિસ્પર્ધીઓ પર હુમલો કરતા પાકિસ્તાની સરખામણી ભારત સાથે કરી. તેમણે કહ્યું કે 50-55 વર્ષ પહેલા દુનિયામાં પાકની મિસાલ આપવામાં આવતી હતી. કેમ કે તેનો દબદબો હતો. ત્યારે અમેરિકા જવા પર આપણા રાષ્ટ્રપતિને મળવા અમેરિકન રાષ્ટ્રપતિ આવ્યા કરતા હતા. પરંતુ ધીરે ધીરે મેં મારા દેશને નીચે આવતા જોયો છે.
ભારતમાંથી પાકિસ્તાન આવતો ત્યારે લાગતું કે ગરીબ દેશમાંથી અમીર દેશમાં આવ્યોઃ ઇમરાન
દેશના નીચે આવવાનું મોટું કારણ 1985 બાદથી દેશમાં શરુ થયેલો ભ્રષ્ટાચાર છે. રાજનીતિક પ્રતિસ્પર્ધીઓ પર હુમલો કરતા રાષ્ટ્રને સંબોધિત એક લાઈવ પ્રસારણમાં પાક પીએમે કહ્યું કે પહેલા જ્યારે હું ક્રિકેટ રમીને ભારતથી પાકિસ્તાન આવતો તો એવું લાગતુ કે કોઈ ગરીબ દેશમાંથી અમીર દેશમાં આવ્યો છું, પણ હવે એવું નથી લાગતું.
આપણા દેશના નીચે જવાનું શરુ થયુઃ ઇમરાન
રાજનીતિક વિશ્લેષકોના જણાવ્યાનુંસાર વિપક્ષ તેમના પર રાજીનામા માટે દબાણ કરી રહ્યું છે. તેવામાં ખાને આ સંબોધનમાં લોકોની સહાનુભુતિ મેળવવાનો પ્રયાસ કર્યો છે. ઈમરાને કહ્યું કે 1985 બાદ અમે જોયું કે લોકો ફેક્ટરીઓ લગાવવા અને વ્યાપાર કરવા માટે રાજનીતિમાં આવવાનું શરુ કર્યું છે. આ લોકો પીએમ બની રહ્યા હતા અને તેમના મંત્રી પણ પૈસા બનાવી રહ્યા હતા. તેવામાં આપણા દેશના નીચે જવાનું શરુ થયું.