પાકિસ્તાનના વડાપ્રધાન ઇમરાન ખાન સોમવારની રાત્રે અમેરિકામાં રાષ્ટ્રપતિ ડોનાલ્ડ ટ્રમ્પ સાથે મુલાકાત કરશે. ઇમરાન સંયુક્ત રાષ્ટ્ર મહાસભા (UNGA)ના 74માં સત્રમાં ભાગ લેવા માટે અમેરિકા પહોંચ્યા છે જે 24 સપ્ટેમ્બરથી શરૂ થશે.
આજે ડોનાલ્ડ ટ્રમ્પને મળશે ઇમરાન ખાન
UNGA બેઠકમાં ભાગ લેવા પહોંચ્યા ઇમરાન ખાન
27 સપ્ટેમ્બરે UNGAની બેઠકને સંબોધિત પણ કરશે
પાકિસ્તાનના વડાપ્રધાન 27 સપ્ટેમ્બરે UNGAની બેઠકને સંબોધિત પણ કરશે. બંને નેતાઓની વચ્ચે મહત્વપૂર્ણ મુદ્દા પર વાતચીત થઇ શકે છે. પ્રાપ્ત જાણકારી, મુજબ બંને નેતાઓની મુલાકાત લગભગ રાત્રે 10 વાગ્યે થઇ શકે છે. ટ્રમ્પ અને ઇમરાનની મુલાકાત એવા સમયે થઇ રહી છે. જ્યારે એક દિવસ પહેલા જ હ્યૂસ્ટનમાં આયોજિત 'હાઉડી મોદી' કાર્યક્રમમાં આખી દુનિયાએ વડાપ્રધાન મોદી અને ટ્રમ્પની મિત્રતાનો જલવો જોયો.
ભારતના વડાપ્રધાન નરેન્દ્ર મોદીએ અમેરિકામાં કહ્યું કે, ઇસ્લામિક આતંકવાદ સામેની લડાઇમાં ડોનાલ્ડ ટ્રમ્પ પૂર્ણ રીતે ભારતની સાથે છે. સાથે જ પીએમ મોદીએ આ મંચ દ્વારા કાશ્મીરના મુદ્દા પર દખલ આપવા માટે પાકિસ્તાન પર નિશાન સાધ્યું. એમણે કહ્યું કે જે પોતાનું ઘર સંભાળી શકતા નથી, તે આર્ટિકલ 370 હટાવવા પર વાંધો ઉઠાવી રહ્યા છે.
ફરી ઉઠાવશે કાશ્મીર મુદ્દો
દુનિયા સામે ખુદને કાશ્મીરના એમ્બેસેડર જાહેર કરી ચૂકેલા ઇમરાન ખાન ફરી સંયુક્ત રાષ્ટ્રની સભામાં કાશ્મીરનો મુદ્દો ઉઠાવશે. ઇમરાન ખાન પહેલાથી જ કહી ચૂક્યા છે કે આ મુદ્દા પર દુનિયાના અન્ય દેશોને પોતાની સાથે લાવવાની તમામ કોશિશ કરીશું. પાકિસ્તાન શરૂઆતથી આરોપ લગાવતા આવ્યું છે કે કાશ્મીરમાં માનવાધિકારોનું હનન કરવામાં આવી રહ્યું છે. રાષ્ટ્રપતિ ટ્રમ્પ સાથે મુલાકાત પહેલા ઇમરાન ખાન અમેરિકાના અન્ય નેતાઓને મળીને કાશ્મીર અને અફઘાનિસ્તાનનો મુદ્દો ઉઠાવી ચૂક્યા છે.