નિવેદન / ભારતમાં કોરોનાથી હાહાકાર પર ઈમરાન ખાને આપ્યું આ નિવેદન, પાક.માં #IndiaNeedsOxygen ટ્રેન્ડ

• પાકિસ્તાની પ્રધાનમંત્રીએ ટ્વિટ કરીને ભારતના લોકો પ્રત્યે વ્યક્ત કરી સંવેદના 
• ભારતના લોકો માટે પ્રાર્થના, આપણે સાથે મળીને લડવાનું છે : ઈમરાન ખાન 
• બ્રિટનના બોરિસ જોહ્નસને પણ મદદ માટે હાથ આગળ વધાર્યો 

દેશમાં કોરોના વાયરસના કારણે હાહાકાર મચી ગયો છે. દેશના દરેક ખૂણામાં કોરોના વાયરસના કારણે અફરાતફરી જેવો માહોલ છે. ભારતની રાજધાની દિલ્હીથી લઈને દેશનાં નાના ગામડાઓ સુધી કોહરામ મચાવી રહ્યો છે ત્યારે પાકિસ્તાની પ્રધાનમંત્રી ઈમરાન ખાને મોટું નિવેદન આવ્યું છે. 

ઈમરાન ખાને આપ્યું આ નિવેદન 

પાકિસ્તાનના પ્રધાનમંત્રી ઈમરાન ખાન તથા વિદેશ મંત્રી મહમૂડ કુરૈશીએ આ મામલે નિવેદન આપ્યું છે અને બંનેએ કહ્યું ભારતમાં ચાલી રહેલી બીજી લહેર મામલે ટ્વિટ કર્યું છે. ઈમરાન ખાને ટ્વિટ કરીને કહ્યું કે હું ભારતના લોકો સાથે સંવેદના વ્યક્ત કરું છું કારણે કે તે લોકો ખતરનાક વાયરસ સામે લડી રહ્યા છે. આ મહામારીથી પીડિત અમારા પાડોશી દેશ અને દુનિયાના લોકો માટે પ્રાર્થના કરીએ છીએ કે તે ખૂબ જલ્દી સાજા થાય છે. આપણે માનવતા સાથે મળીને આ વૈશ્વીક મહામારી સામે લડવાનું છે. 

વિદેશ મંત્રીએ પણ આપ્યું નિવેદન 

પાકિસ્તાની વિદેશ મંત્રી શાહ મહમૂદ કુરૈશીએ પણ આ મામલે ટ્વિટ કરીને કહ્યું કે અમે કોરોના વાયરસની આ લહેરના સામનામાં ભારતના લોકો સાથે ઊભા છીએ. પાકિસ્તાનના લોકો તરફથી જે ભારતીયો અને તેમના પરિવારો આ વાયરસથી પ્રભાવિત થયા છે તેમના પ્રત્યે સહાનુભૂતિ પ્રગટ કરું છું. 

ભારત માટે ટ્રેન્ડ થઈ રહ્યું છે હેશટેગ 

નોંધનીય છે કે પાકિસ્તાનમાં ટ્વિટરમાં પણ #IndiaNeedsOxygen ટ્રેન્ડ કરી રહ્યું છે અને લોકો ભારતના લોકો માટે દુઆ માંગી રહ્યા છે અને કહી રહ્યા છે આ ઘડીમાં તે ભારતની સાથે ઊભા છે. આ સિવાય ઘણા બધા લોકો તેમના પ્રધાનમંત્રી ઈમરાન ખાનને અપીલ પણ કરી રહ્યા છે. 

બ્રિટને ફ્રાંસે મદદ કરવાનો ભરોસો આપ્યો 

નોંધનીય છે કે આજે બ્રિટનના પ્રધાનમંત્રી બોરિસ જોહ્નસને પણ મદદનો હાથ આગળ વધાર્યો છે. તેમણે કહ્યું કે ભારતમાં કોરોના વાયરસ મહામારી એક ઘાતક ચરણમાં પ્રવેશ કરી ગઈ છે અને જે પ્રકારે સ્વાસ્થ્ય સુવિધાઓ પર દબાણ વધી રહ્યું છે તેને જોતાં અમે દરેક સંભવ મદદ કરવાં માટે તૈયાર છે. 

ભારતમાં કોરોના વાયરસ કેસ અપડેટ 

ભારતમાં કોરોના વાયરસની ઘાતક લહેર દિવસેને દિવસે વધારે લોકોને પોતાની ઝપેટમાં લઈ રહી છે ત્યારે આજે કોરોના વાયરસના નવા 3,46,786 કેસ સામે આવ્યા છે જ્યારે એક દિવસમાં કુલ 2,624 લોકોના કોરોના વાયરસના કારણે મોત થયા છે.