પાકિસ્તાનના PM ઇમરાન ખાને ફ્રાન્સના રાષ્ટ્રપતિ એમ્માન્યુએલ મેક્રોન ઉપર ઇસ્લામ ઉપર હુમલો કરવાનો આરોપ લગાવ્યો છે.
નોંધનીય છે કે ફ્રાન્સમાં હાલમાં જ એક શિક્ષકની તેના વિદ્યાર્થીઓને મહોમ્મદસાહેબ પૈગમ્બરને લગતું કાર્ટૂન દેખાડવા બદલ એક કટ્ટરવાદી મુસ્લિમ દ્વારા નિર્મમ હત્યા કરી હતી.
આ મુદ્દે ફ્રાન્સના રાષ્ટ્રપતિ મેક્રોને આ ઘટનાને વખોડીને તેને ઇસ્લામિક આતંકવાદમાં ખપાવી હતી. ફ્રાન્સના રાષ્ટ્રપતિએ કહ્યું હતું કે તેઓ ફ્રાન્સની ઇસ્લામિક કોમ્યુનિટીઝમાં ફેલાઈ રહેલા અલગતાવાદ સામે લડવાની પ્રતિજ્ઞા લે છે. તેમણે એમ પણ કહ્યું કે ફ્રાન્સમાં ચાલતી ઇસ્લામિક આતંકવાદી પ્રવૃતિઓને બંધ કરવી તેમનો ધ્યેય રહેશે અને ફ્રાન્સ વાણી સ્વાતંત્રના પ્રતીક સમા કાર્ટૂન છાપવાનું બંધ નહિ કરે.
મેક્રોન લોકોમાં એકતા સ્થાપવાને બદલે તેમનામાં ફાટફુટ પડાવી રહ્યા છે
આ મુદ્દે પાકિસ્તાન PM ઇમરાન ખાને ટ્વીટ કરીને મેક્રોન ઉપર હુમલો કરતા કહ્યું હતું કે મેક્રોન લોકોમાં એકતા સ્થાપવાને બદલે તેમનામાં ફાટફુટ પડાવી રહ્યા છે. આ સમયે તેઓ પોલરાઈઝેશન કરી રહ્યા છે જેનાથી કટ્ટરતા ઘટવાને બદલે વધશે.
It is unfortunate that he has chosen to encourage Islamophobia by attacking Islam rather than the terrorists who carry out violence, be it Muslims, White Supremacists or Nazi ideologists. Sadly, President Macron has chosen to deliberately provoke Muslims, incl his own citizens,
આ ઉપરાંત ટર્કીના રાષ્ટ્રપતિએ પણ મેક્રોન ઉપર હુમલો કરતા કહ્યું હતું કે તેમને તેમના ઇસ્લામ અને મુસ્લિમો વિરોધી વલણ માટે મેન્ટલ ચેકઅપની જરૂર છે.
શું હતી ઘટના?
પોતાના ક્લાસમાં શિક્ષકે મહોમ્મદ સાહેબ પૈગમ્બરને લગતું કાર્ટૂન દેખાડ્યું હતું જેનાથી એક કટ્ટરવાદી મુસ્લિમ ક્રોધે ભરાયો હતો.
શુક્રવારે 16 ઓક્ટોબરે 18 વર્ષના આ શખ્સે કૉન્ફ્લૈંસ સૌં હોનોરી નામની સ્કૂલ પાસે આ ઘાતકી કૃત્ય આચર્યું હતું. તેણે શિક્ષકનો પીછો કર્યો અને મોકો જોઈને શિક્ષકનું ગળું કાપી નાખ્યું.
આ પછી તેણે નારા પણ લગાવ્યા. સ્થાનિકોએ પોલીસને સૂચના આપતા પોલીસ ઘટના સ્થળે પહોંચી હતી. જો કે તે જ સમયે આરોપીએ પોતાની બંદૂક કાઢીને ધમકી આપીને ત્યાંથી ફરાર થઇ ગયો. આખરે પોલીસ સાથે ઝપાઝપીમાં તેને ગોળીએ ધરબી દેવાયો હતો.