100 જેટલા યાત્રી સવાર વિમાન રનવે પર લેન્ડ કરવાની જગ્યાએ મકાનો પર પડ્યું. થોડી સેકન્ડમાં જ અનેક જિંદગીઓ ચાલી ગઈ, અનેક ઇજાગ્રસ્ત થયા અને પાકિસ્તાનના કરાચીમાં એક દર્દનાક ઘટના બની ગઇ. જિન્ના ઇન્ટરનેશનલ એરપોર્ટથી થોડા દૂર એક રહેણાંક વિસ્તારમાં વિમાન તૂડી પડતા પહેલા પાયલટે કંટ્રોલ રૂમને પોતાના અંતિમ કૉલ પર ખતરા વિશે માહિતી આપી દીધી. હવે એક વીડિયો સામે આવ્યો છે જેમાં આ વિમાન જોતજોતામાં મકાન ઉપર પડે છે અને અનેક લોકોના મોત થાય છે.
પાકિસ્તાનમાં મોટી વિમાન દુર્ધટના
50થી વધુ લોકોના થયા મોત
પ્લેન દુર્ઘટનાનો વીડિયો સામે આવ્યો
પાકિસ્તાન ઇન્ટરનેશનલ એરલાઇન્સ (PIA)ના એક યાત્રીઓ ભરેલું વિમાન શુક્રવારે અહીં જિન્ના આંતરરાષ્ટ્રીય એરપોર્ટની નજીક રહેણાંક વિસ્તારમાં દુર્ઘટનાગ્રસ્ત થઇ ગયું. આ દુર્ઘટનામાં ઓછામાં ઓછા 50થી વધુ લોકોના મોત થવાની માહિતી સામે આવી છે. વિમાનમાં 107 લોકો સવાર હતા. આ વિમાન PK-8303 લાહોરથી આવી રહ્યું હતું અને કરાચીમાં ઉતરવાનું જ હતું કે એક મિનિટ પહેલા મૉડલ કોલોનીની પાસે જિન્ના ગાર્ડનમાં દુર્ઘટનાગ્રસ્ત થઇ ગયું. સામે આવેલ વિસ્તારના એક સીસીટીવી ફુટેજમાં દેખાઇ રહ્યું છે કે કેવી રીતે વિમાન મકાનો વચ્ચે જઇ પડ્યું.
PK8303’s nose was up and landing gear seems to have been deployed as it’s last moments were caught by a CCTV camera installed on a roof in the Karachi residential neighbourhood it crashed in - pilots seemed to have been doing their best to land the plane pic.twitter.com/2CGA3zyCMl
પાકિસ્તાનના ડૉન ન્યૂઝ પેપરના જણાવ્યા અનુસાર, એ સ્પષ્ટ નથી થઇ શક્યું કે માર્યા ગયેલા તમામ લોકો વિમાનમાં સવાર યાત્રા હતા અથવા ત્યાં રહેણાંક વિસ્તારના લોકો હતા જ્યાં આ વિમાન દુર્ઘટનાગ્રસ્ત થયું.
લાહોરથી કરાંચી આવી રહેલું આ પ્લેન મહમ્મદ અલી ઝીણા એરપોર્ટ પર લેન્ડ થવાની તૈયારીમાં હતું. આ ઘટનાની ગણતરીની સેકન્ડ પહેલા પાયલોટ અને કંટ્રોલ વચ્ચે થયેલો સંવાદ સામે આવ્યો છે. જેમાં પાયલોટ બોલે છે કે, અમારા પ્લાનના એન્જીન ખરાબ થઇ ચૂક્યા છે, કંટ્રોલ રૂમ તરફથી કહેવામાં આવે છે કે, શું તમે બેલી લેન્ડિંગ માટે તૈયાર છો? 2:05 કલાકે 2 રનવે લેન્ડિંગ હાજર હતા.પાયલોટ કહે છે મેડે..મેડે..મેડે..