વિશ્વ / પાકિસ્તાનના આ કેવા દિવસ આવ્યા! ના પેટ્રોલ બચશે, ના ગાડીઓ ચાલી શકશે, પંપ માલિકોએ સરકારને આપી ચેતવણી

• પાકિસ્તાનમાં પેટ્રોલનાં ભાવ વધ્યાં
• 250 રૂપિયા પ્રતિ લીટરનો છે ભાવ
• તેલ કંપનીઓએ સરકારને આપી ચેતવણી
• કહ્યું દેશમાં પેટ્રોલિયમ ઉદ્યોગ નાશ પામવાનાં આરે 

પાકિસ્તાનની આર્થિક સ્થિતિ દિવસેને દિવસે ગંભીર થતી જાય છે. આ તમામની વચ્ચે પાકિસ્તાનમાં તેલ કંપનીઓની વ્યથા પણ સામે આવી છે. તેમણે જણાવ્યું કે દેશમાં ડોલરની ઓછપ અને રૂપિયાનાં મૂલ્યમાં ઘટાડો થવાનાં કારણે બિઝનેસ કોસ્ટમાં વધારો થઈ રહ્યો છે જેના લીધે પેટ્રોલિયમ ઉદ્યોગ નાશ પામવાની આરે છે. 

પાકિસ્તાની રૂપિયો નીચે ઊતર્યો
રિપોર્ટ અનુસાર IMFની માગને પૂરી કરવાનાં ઉદેશ્યથી સરકારે ડોલર પર લાગેલી સીમાઓ પણ હટાવી દીધેલ છે. જેનાથી પાકિસ્તાની રૂપિયો આંતરરાષ્ટ્રીય બજારમાં ઐતિહાસિત ઘટાડા સાથે 276.58 રૂપિયા પ્રતિ ડોલર પર પહોંચી ગયો છે. IMFએ રાહત પેકેજની લોન આપવા માટે કેટલીક શરતો મૂકી હતી જેમાં સ્થાનીય મુદ્રા માટે બજાર નિર્ધારિત વિનિમય દર અને ઈંધણ સબસિડીને સરળ કરવું વગેરે સમાવિષ્ટ છે. સરકારે બંને શરતોને પહેલાંથી જ સ્વીકારી લીધેલ છે. 

તેલ કંપનીઓએ સરકારને આપી ચેતવણી
તેલ કંપનીએ ઓઇલ એન્ડ ગેસ રેગ્યુલેટરી ઓથોરિટી અને ઊર્જા મંત્રાલયને મોકલેલા એક પત્રમાં કહ્યું છે કે રૂપિયાનાં વિનિમય દરમાં ઘટાડાને કારણે ઉદ્યોગોને અરબો રૂપિયાનું નુક્સાન થયું છે કારણકે સાખ પત્ર માટે નવા દરો નક્કી થવાની સંભાવના છે. સરકારે વિદેશી મૂળીનાં ભંડારમાં થતાં ઘટાડાને કારણે સાખપત્ર પર પ્રતિબંધ લગાવ્યો છે. વિદેશી મૂળી ભંડાર 27 જાન્યુઆરીનાં આંકડાઓ મુજબ 308.62 કરોડ ડોલર રહ્યો હતો જે માત્ર 18 દિવસની આયાત માટે જ પર્યાપ્ત છે. 

પાકિસ્તાનમાં પેટ્રોલ 250 રૂપિયે લીટર
પાકિસ્તાન દેવામાં ડૂબી રહ્યું છે અને પાકિસ્તાની રૂપિયામાં પણ ઘટાડો થઈ રહ્યો છે. આયાત થતી ચીજો જબરદસ્ત ધોરણે મોંઘી થઈ રહી છે. પાકિસ્તાનમાં પેટ્રોલનાં ભાવ 250 રૂપિયા પ્રતિ લીટર થઈ ગયાં છે. સરકારનાં આ નિર્ણયથી નારાજ થઈને લાહોરમાં લોકોએ પેટ્રોલ પંપ પર આગ લગાવી દીધી હતી.