પ્રધાનમંત્રી નરેન્દ્ર મોદીએ પોતાની તમામ વિદેશ યાત્રામાં જે રીતે હિન્દુસ્તાનનો સિક્કો ચલાવ્યો છે અને પાકિસ્તાનને ઘેર્યું તેની છાપ પાકિસ્તાન મીડિયા પર પણ હવે જોવા મળી રહી છે. પાકિસ્તાનમાં પ્રધાનમંત્રી મોદીનો ચીન પ્રવાસ છવાયેલો રહ્યો હતો.
મોદી-જિનપિંગની સુમેળભરી મુલાકાતને પાકિસ્તાને ખતરાનો સંકેત ગણાવ્યો છે. ભારત-ચીનની વધતી દોસ્તી પાકિસ્તાનને હજમ નથી થઇ રહી. મહત્વનું છે કે થોડાંક સમય પહેલાં જ પ્રધાનમંત્રી નરેન્દ્ર મોદી પોતાનો ચીન પ્રવાસ પૂર્ણ કરીને સ્વદેશ પરત ફર્યાં છે.
મોદીનો આ પ્રવાસ ખૂબ જ ઉત્સાહવર્ધક અને દોસ્તીમાં નવું ઈંધણ પુરનારો રહ્યો છે. આ પ્રવાસથી બંને દેશ એકબીજાની નજીક આવ્યાં અને એક નવા જ અધ્યાયનાં એંધાણ મુકાયાં છે પરંતુ ભારત અને ચીનની વધતી મિત્રતાથી પાકિસ્તાનનાં પેટમાં તેલ રેડાઈ રહ્યું છે.
પાકિસ્તાન એમ માની રહ્યું છે કે ભારત-ચીનનાં સંબંધો સુધરે એ હવે આપનાં માટે સારા સમાચાર નથી. પાકિસ્તાની મીડિયા એવું માની રહ્યું છે કે ભારત-ચીનનાં સંબંધો સુધરે એ પાકિસ્તાન માટે ખતરાનો સંકેત છે. બંને દેશ વચ્ચે સારા વ્યાપારીક સંબંધ બનવા અને સરહદ પર તણાવ દૂર થવો એ પાકિસ્તાન માટે સારા સમાચાર નથી.
ચીન પાકિસ્તાનનું સદાબહાર મિત્ર હતું પણ તે આજે ભારત તરફ ઝૂકી રહ્યું છે. તો પાકિસ્તાનનાં બર્ખાસ્ત પ્રધાનમંત્રી નવાઝ શરીફે કહ્યું કે નરેન્દ્ર મોદી અને ચીનનાં રાષ્ટ્રપતિ શિ જિનપિંગની ગાઢ દોસ્તી આપણા માટે ચિંતાજનક છે એટલે કે ભયજનક છે. પાકિસ્તાનનું પ્રશાસન પોતાની રાજનૈતિક પક્કડને કમજોર કરતું જઈ રહ્યું છે. આપણે ઈતિહાસમાંથી કંઇ જ ઉપદેશ નથી લીધો. તેથી જ આજે ભારત અને ચીન નજીક આવી રહ્યાં છે.
ઉલ્લેખનીય છે કે દુનિયાનાં તમામ દેશોને જેમ-જેમ પાકિસ્તાનની સચ્ચાઈ જાણવા મળતી જાય છે તેમ-તેમ તેઓ પાકિસ્તાનને રામ રામ કહી રહ્યાં છે અને હવે તો પાકિસ્તાનનું કહેવાતું સાચુ મિત્ર ચીન પણ તેને દૂરથી સલામ કરી રહ્યું છે.
ચીન પણ સમજાઈ ગયું છે કે આ દેશે માત્ર આતંકવાદ નિર્દોષોની હત્યા અને લોહી રેલાવા સિવાય કંઈ નથી કર્યું. પ્રધાનમંત્રી મોદીએ પણ અનેક વાર પાકિસ્તાનને અલગ કરવાની ચેતવણી આપી હતી અને તે ચેતવણી આજે પાકિસ્તાનને સત્તાધીશોને સમજાઈ રહી છે.
પાકિસ્તાનને એવું લાગી રહ્યું છે કે ભારત જે કહે છે તે કરીને બતાવે છે. આ વાત ખુદ પાકિસ્તાનનાં રક્ષા નિષ્ણાંતો કબૂલી રહ્યાં છે. ત્યારે હવે જોવાનું એ રહ્યું કે નાપાક પાકિસ્તાનમાં કોઈ સુધારો આવે છે કે પછી આપણી એક જૂની કહેવત પ્રમાણે જોઇએ તો "કૂતરાની પૂંછડી જમીનમાં દાટો તોય વાંકીને વાંકી."