મહામારી / દુશ્મની ભૂલી પાકિસ્તાને મદદ માટે હાથ આગળ વધાર્યો, ઈમરાન સરકારે કરી આ રજૂઆત

• ભારતમાં કોરોના વાયરસનો ભયંકર કહેર 
• પાકિસ્તાને કરી મદદ કરવાની રજૂઆત 
• મેડિકલ સાધનો આપવા માટે પાકિસ્તાને કરી પેશકશ 

પાકિસ્તાને મદદનો હાથ લંબાવ્યો 

પાકિસ્તાનના વિદેશમંત્રાલય દ્વારા જાહેર કરવામાં આવેલા નિવેદન અનુસાર તે ભારતમાં જરૂરી મેડિકલ સામાન આપવા માટે તૈયાર છે. પાકિસ્તાને કહ્યું કે કોરોના વાયરસ મહામારીના આ સંકટમાં તે ભારતની સાથે છે. મદદ માટે વેન્ટિલેટર, બાઇપેપ મશીન, એક્સ રે મશીન, PPE કીટ અને અન્ય મેડિકલ સામાન આપવા માટે તૈયાર છે. વિદેશ મંત્રાલયે કહ્યું કે બંને દેશો સાથે મળીને આ મહામારી સામે લડવાના સંભાવિત પ્રયાસ શોધી રહ્યા છે. 

As a gesture of solidarity with the people of India in the wake of the current wave of #COVID19, Pakistan has officially offered relief & support to #India, including ventilators, Bi PAP, digital X ray machines, PPEs & other related items. We believe in a policy of #HumanityFirst

— Shah Mahmood Qureshi (@SMQureshiPTI) April 24, 2021

ટ્રેન્ડ થયા ભારતની મદદ માટેના હેશટેગ 

નોંધનીય છે કે આ પહેલા પાકિસ્તાની પ્રધાનમંત્રી ઈમરાન ખાન અને પાકિસ્તાનના વિદેશમંત્રીએ પણ કોરોના સંકટમાં ભારત સાથે ઊભા હોવાનું ટ્વિટ કર્યું હતું. પાકિસ્તાનના ઈધી ટ્રસ્ટ દ્વારા 50 ઍમ્બ્યુલન્સ આપવાની રજૂઆત કરવામાંઆ આવી છે અને તે માટે પ્રધાનમંત્રી મોદીને પત્ર લખવામાં આવ્યો છે. આ સિવાય પાકિસ્તાની સોશ્યલ મીડિયામાં પણ લોકો ભારતના લોકો માટે દુઆ માંગી રહ્યા છે અને પાકિસ્તાનના ટ્વિટરમાં ભારતની મદદ માટે હેશટેગ ટ્રેન્ડ પણ થયા હતા. 

મદદ માટે આગળ આવી રહ્યા છે દેશો 

નોંધનીય છે કે ભારતમાં વધી રહેલા કોરોના વાયરસના કેસના કારણે ઘણા બધા દેશોએ પણ ભારત તરફ મદદનો હાથ આગળ વધાર્યો છે. રશિયાથી લઈને ઑસ્ટ્રેલિયા અને ફ્રાંસ જેવા દેશોએ ભારતને મદદ કરવાનું આશ્વાસન આપ્યું છે.

ભારતમાં કોરોના વાયરસની સુનામી 

ભારતમાં કોરોના વાયરસની બીજી લહેર કહેર બનીને તૂટી છે કારણ કે શહેર શહેર કોરોના કહેર જોવા મળી રહ્યો છે. ભારતની મોટી મોટી હોસ્પિટલોના હાલ બેહાલ છે જ્યારે નાના શહેરો અને ગામડાઓમાં તો ભયંકર પરિસ્થિતિ છે. લોકો ઑક્સીજન વગર તરફડીને મરી રહ્યા છે. 

ભારતમાં કોરોના વાયરસ કેસ અપડેટ (25 એપ્રિલ, 2021)

ભારતમાં કોરોના વાયરસના દૈનિક કેસમાં સતત વધારો જોવા મળી રહ્યો છે. આજે એક દિવસ 3,49,691 નવા કેસ નોંધાયા છે જ્યારે  2,767 દર્દીઓના મોત થતાં દેશમાં કોહરામ જેવી પરિસ્થિતિ છે. જોકે રાહતની વાત કહી શકાય કે ભારતમાં 2,17,113  દર્દીઓએ કોરોના વાયરસ સામે જીત પણ મેળવી.