Article 370 / કાશ્મીર મુદ્દે પાકિસ્તાનનું વધુ એક 'નાટક', ટીવી ચેનલો પર વિશેષ કાર્યક્રમોનું પ્રસારણ નહીં થાય

પાકિસ્તાન મીડિયા રેગ્યુલેટરી ઓથોરિટીએ મીડિયા આઉટલેટને કહ્યું કે બકરી ઇદ પર વિશેષ કાર્યક્રમોનું પ્રસારણ ન કરે. એવું એટલે કેમ કે માત્ર પાકિસ્તાની જ નહીં, પરંતુ કાશ્મીરી લોકોની ભાવનાઓને પણ ઠેસ પહોંચે.

પાકિસ્તાન મીડિયા રેગ્યુલેટરી ઓથોરિટીએ શનિવારે કહ્યું હતું કે કાશ્મીરની સાથે એકજૂટતા જોતાં બકરી ઇદને ધાર્મિકતાના રૂપમાં સાદગીથી મનાવવામાં આવશે. તેથી વિનંતી કરવામાં આવે છે કે કોઇ વિશેષ કાર્યક્રમનું આયોજન ન થાય.

બકરી ઇદની ઉજવણીના રૂપમાં પ્રસારિત થવાના કારણે માત્ર પાકિસ્તાની જ નહીં, પરંતુ કાશ્મીરી લોકોની ભાવનાને પણ ઠેસ પહોંચી શકે છે. તેમાં પાકિસ્તાની ટીવી ચેનલોને પોતાના લોગોને બ્લેક એન્ડ વ્હાઇટ રાખવાની પણ સલાહ અપાઇ છે. 

૧૪ ઓગસ્ટે પાકિસ્તાનનો સ્વતંત્રતા દિવસ કાશ્મીરીઓ સાથે મળીને મનાવવામાં આવશે. પાકિસ્તાની મીડિયા રેગ્યુલેટરી ઓથોરિટીએ કહ્યું કે ભારતના સ્વતંત્રતા દિવસને બ્લેક ડેના રૂપમાં મનાવાશે અને પાકિસ્તાનના રાષ્ટ્રધ્વજને અડધી કાઠીએ લહેરાવવામાં આવશે. પાકિસ્તાને ડિબેટ શોમાં પ્રકારની ટિપ્પણી કે વિશ્લેષણ માટે ભારતીય સેલિબ્રિટી, રાજનેતા કે કોઇ પણ પત્રકારને આમંત્રિત ન કરવાના આદેશ આપ્યા હતા.