પાકિસ્તાનથી એક ચોંકાવનારી ઘટના સામે આવી છે. પાકિસ્તાનમાં ભારતીય રાજદૂતની ઈફ્તાર પાર્ટીમાં આવેલા મહેમાનોની સાથે પાકિસ્તાની અધિકારીઓએ ગેરવર્તણૂક કરી છે. ભારતીય રાજદૂતના અધિકારીઓએ સેરેના હોટલમાં ઈફ્તાર પાર્ટીનું આયોજન કર્યું હતું.
જેમાં સામેલ થવા માટે અનેક મહેમાનોને આમંત્રણ આપવામાં આવ્યું હતું. ઈફ્તાર પાર્ટીમાં જ્યારે મહેમાનો પહોંચવા લાગ્યા ત્યારે પાકિસ્તાની સુરક્ષા એજન્સીઓએ મહેમાનો સાથે ધક્કા મુક્કી કરી અનેક લોકોનું વારંવાર ચેકિંગ કર્યું અને સાથે લોકોને હોટલની અંદર પ્રવેશવા ન દીધા.
આ દરમિયાન મહેમાનો, ભારતીય અધિકારીઓ અને પાકિસ્તાનના સુરક્ષા અધિકારીઓ વચ્ચે બોલાચાલી થઈ હતી. પાકિસતાની અધિકારીઓની આ વર્તણૂક પર પાકિસ્તાનમાં ભારતના રાજદૂત અજય બિસારિયાએ દુખ વ્યક્ત કર્યું.
આપને જણાવી દઈએ કે ભારતના ઉચ્ચ કમીશન દ્વારા ઈફ્તાર પાર્ટીનું આયોજન લગભગ 12 વર્ષ પહેલા શરૂ કરવામાં આવ્યું હતું. સિબી જોર્જ જે તે સમય સ્વિટ્ઝર્લેન્ડમાં ભારતીય રાજદૂત હતા. તેમના આ શરૂ કર્યું હતું. 1992ના કોડ ઓફ કંડક્ટ અનુસાર બન્ને દેશોમાં ડિપ્લોમેટિક પર્સનલ અને તેમના પરિવારોને સંપૂર્ણ સુરક્ષા આપવી જોઈએ.