વિવાદિત નિવેદન / હવે તોપ-ટેન્કનું નહીં પરમાણુ યુદ્ધ હશે, જરૂર પડશે તેવો દારૂગોળો વાપરીશુંઃ પાકિસ્તાનના મંત્રી

• આ એક એટોમિક વૉર હશે, એક ન્યૂક્લિયર વૉર હશેઃ શેખ રશીદ
• જેવી જરૂરીયાત હશે તેવો દારૂગોળો ઉપયોગ કરીશુંઃ શેખ રશીદ

પાકિસ્તાનના રેલ મંત્રીએ કહ્યું કે, હું 126 ધરણામાં સામેલ હતો, તે સમયે દેશની પરિસ્થિતિ અને સરહદી મામલો આવો ન હતો, આ સીરિયસ થ્રેટ છે. આ દેશને, આ યુદ્ધ ભયંકર થઇ શકે છે. આ કન્વેન્શનલ આર્મ નહીં હોય, જે અક્કલના આંધળા એવું સમજી રહ્યા છે કે 4-6 દિવસ સુધી ટેન્ક-તોપ ચાલશે અથવા હવાઈ હુમલા થશે. નેવીના ગોળા ચાલશે.

શેખે વધુમાં કહ્યું, નો વે... આ એક અણુ યુદ્ધ હશે. એક અણુ અને પરમાણુ સાથેનું સંયુક્ત યુદ્ધ હશે. તેમાં જે પ્રકારની જરૂર પડશે તેવો દારૂગોળો વાપરશું.

જણાવી દઇએ કે, પહેલી વખતે નથી કે જ્યારે શેખ રશીદે આવું વિવાદિત નિવેદન આપ્યું હોય. આ પહેલા પણ કાશ્મીરને લઇને ભારત વિરૂદ્ધ ભડકાઉ નિવેદન આપી ચૂક્યા છે. ગત મહિને તેમણે કહ્યું હતું કે કાશ્મીરની લડાઇ લડવામાં આવશે, પછી ભલે તેમાં મરી જઇએ કે પછી મારી નાખીએ.

આ સિવાય શેખ રશીદે પોતાના એક વધુ વાહિયાત નિવેદનને લઇને ચર્ચામાં રહી ચૂક્યા છે. એક રેલીમાં માઇક પર ભાષણ આપતા સમયે કરંટ લાગ્યો હતો. આ વીડિયો ભારતમાં ઘણો વાયરલ થયો હતો. જેને લઇને પણ શેખે વાહિયાત નિવેદન આપ્યું હતું. તેમણે કહ્યું હતું કે, તેમને કરંટ લાગ્યો, તેની પાછળ ભારતનો હાથ છે. રેલ મંત્રી શેખ રશીદને ભાષણ દરમિયાન પીએમ મોદીનું નામ લેતા સમયે કરંટ લાગ્યો હતો.