અમેરિકી રાષ્ટ્રપતિ ડોનાલ્ડ ટ્રમ્પે મંગળવારનાં રોજ પ્રધાનમંત્રી નરેન્દ્ર મોદી સાથે મુલાકાત કરી. સોમવારનાં રોજ ટ્રમ્પ પાકિસ્તાનનાં પ્રધાનમંત્રી ઇમરાન ખાનને પણ મળ્યા હતાં. જ્યાં મોદી સાથેની બેઠકમાં ટ્રમ્પે વેપાર સમજૂતીને લઇને કાશ્મીર પર સવાલોનાં જવાબ આપ્યો, ત્યારે ઇમરાન સાથે વાતચીત બાદ તેઓ કાશ્મીર પર પત્રકારોનાં સવાલોથી બચતા દેખાયાં.
અમેરિકામાં 'હાઉડી મોદી' કાર્યક્રમમાં ભારતીય વોટરોનો વધતો પ્રભાવ જોવાં મળ્યો
પાકિસ્તાની વર્તમાનપત્ર ધ ડૉન અનુસાર, 'ફક્ત અફઘાનિસ્તાન મુદ્દે જ ટ્રમ્પને પાકિસ્તાન સાથે મતલબ'
ટ્રમ્પે કાશ્મીર (Kashmir) મુદ્દા પર મધ્યસ્થતાની રજૂઆત કરી, પરંતુ આ વખતે તેઓએ કહ્યું કે, જેમાં ભારત-પાકિસ્તાન બંને દેશોની મંજૂરી હોવી જોઇએ. પાકિસ્તાનનાં પ્રમુખ સમાચારોએ ટ્રમ્પનાં આ વલણને વિશ્વમાં ભારત અને ભારતીય વોટરોનાં વધતી સ્થિતિ સાથે જોડીને રજૂ કરવામાં આવ્યું.
ટ્રમ્પ સામે મોદીએ કહ્યું, 'કાશ્મીરનો ઉકેલ લાવવો અમારી જીત'
ધ ડૉનનાં કહેવા અનુસાર બુધવારનાં પોતાનાં સંપાદકીયમાં કહ્યું કે, "ઈમરાન ખાન (Imran Khan) કાશ્મીર મુદ્દા પર સમગ્ર વિશ્વનું ધ્યાન ખેંચવા ઇચ્છે છે. પરંતુ વિશ્વ સમુદાયની નિરાશાને ધ્યાને રાખતા તેઓની માટે આ ખૂબ કઠણ સાબિત થઇ રહ્યું છે. હ્યૂસ્ટનમાં મોદી રેલી દરમ્યાન ભારતનાં પ્રધાનમંત્રીએ ટ્રમ્પ સામે એટલે સુધી કહી દીધું કે, કાશ્મીર મુદ્દા ઉકેલવો એ તેમની સરકારની સૌથી મોટી જીત રહી છે. ખુદ ટ્રમ્પ (Donald Trump) પણ ઇસ્લામી આતંકવાદને વિશે બોલીને ચાલ્યા ગયાં. એટલે તે આ કાર્યક્રમમાં અમેરિકામાં ભારતીય વોટરોનો વધતો પ્રભાવ સ્પષ્ટ જોવા મળ્યો. આ સાથે એ પણ સામે આવ્યું કે, ભારત વૈશ્વિક મંચ પર એક ઉભરતી તાકાત બની રહ્યું છે."
'ઇમરાન સામે કાશ્મીર મુદ્દાને ટાળવાની કોશિશમાં ટ્રમ્પ'
ઇમરાન ખાન સાથે સોમવારનાં રોજ કરાયેલી એક બેઠકમાં ટ્રમ્પે ઈશારામાં કહ્યું કે, 'પાકિસ્તાન સાથેની વાતચીતમાં તેમની માટે અફઘાનિસ્તાનનો મુદ્દો વધારે મહત્વનો છે. કાશ્મીર પર ટ્રમ્પ માત્ર ત્યારે બોલ્યા કે જ્યારે પત્રકારોએ તેમને સવાલો કર્યા. પરંતુ પાકિસ્તાનનાં વિદેશ મંત્રીએ કંઈ પણ વિચાર્યા વગર આને પોતાની કૂટનૈતિક જીત ગણાવી. પરંતુ તેમણે એ સમજણમાં ન આવ્યું કે, ટ્રમ્પ ત્યારે મધ્યસ્થતા કરશે કે જ્યારે ભારત પણ વિવાદને ઉકેલવા માટે રાજી હશે એટલે કે ઈમરાને ટ્રમ્પ પાસે કાશ્મીર અંગે વધારે આશા ના રાખવી જોઈએ. ટ્રમ્પની નજર હાલમાં ભારતીય વોટરો પર છે. કારણ કે ભારત શરૂઆતથી જ આ મામલામાં ત્રીજા પક્ષની દરમિયાનગીરી કરવાનો વિરોધ કરતું રહ્યું છે."