ભારે કરી / ચોરી થયેલું બાઈક 8 વર્ષથી પોલીસવાળા ફેરવતા હતા, અસલી માલિકના ઘરે ચલણ આવ્યું તો ભાંડો ફુટ્યો

• પાકિસ્તાનમાંથી વિચિત્ર કિસ્સો સામે આવ્યો
• એક શખ્સનું ચોરી થયેલું બાઈક 8 વર્ષે મળી આવ્યું
• અત્યાર સુધી પોલીસવાળા ફેરવતા હતા ગાડી

કોઈ પણ જગ્યાએથી વાહન ચોરી થતાં પહેલા માણસ સૌથી પહેલું કામ પોલીસમાં ફરિયાદ નોંધાવાનું કરે છે. તેના બે ફાયદા છે પહેલા તો એ કે પોલીસને શોધવામાં મદદ મળે છે અને બીજૂ કે જો આ વાહન દ્વારા ગેરકાયદેસર કામ કરવા જઈ રહ્યું હોય તો, કાયદાને એ વાત ખબર રહે કે, ગાડીના માલિક ભલે તમે હોવ પણ આ ગાડી ચોરી થઈ ચુકી છે. પણ વિચારો કે, ગાડીની રક્ષા કરનારા જ તેને ચોરી લઈ જાય તો, પછી ખોટો ઉપયોગ કેવી રીતે થાય. આવી જ કંઈક હાલત પાકિસ્તાનમાંથી જોવા મળી છે. 

રિપોર્ટ્સમાં જણાવ્યા અનુસાર પાકિસ્તાનમાં એક શખ્સનું બાઈક 8 વર્ષ પહેલા ચોરી થઈ ગયું હતું. 8 વર્ષ બાદ તેને ગાડી વિશે ખબર પડી પણ તેને મળેલી જાણકારીથી તે ખૂબ ચોંકી ઉઠ્યો હતો. આ સમગ્ર કેસ લાહોરના ઈમરાન નામના શખ્સનો છે. એક રિપોર્ટમાં જણાવ્યા અનુસાર, ઈમરાનું બાઈક હોન્ડા સિટી 70, લાહોરના મુગલપુરા વિસ્તારમાંથી ચોરી થઈ ગયું હતું. ત્યારે તેણે FIR નોંધાવી હતી.

પોલીસવાળા ફેરવી રહ્યા છે ગાડી

જો કે, બાઈક વિશે આટલા દિવસથી કંઈ પણ જાણવા મળ્યું નહોતું. જો કે હવે 8 વર્ષ બાદ તેની પાસે બાઈકનું ઈ ચલણ આવ્યું અને તેની સાથે ઈ ટિકિટમાં જે ફોટો આવ્યો તેમાં તેનું બાઈક પોલીસવાળા ચલાવી રહ્યા હતા. આ જાણીને તેના પગ તળેથી જમીન ખસકી ગઈ હતી. ફોટોમાં પોલીસવાળા ગાડીને લાહોરની બજારમાં ચલાવતા દેખાયા હતા. 

બાઈક પાછું આપવા માટે આજીજી કરી

એક રિપોર્ટમાં જણાવ્યા અનુસાર, ઈમરાને કહ્યું કે, તેણે અગાઉ પણ ઘણી અરજીઓ આપી છે, પણ બાઈક વિશે કંઈ જાણવા નથી મળ્યું. જ્યારે તેને ચલણ મળ્યું તો તેણે તુરંત ચીફ સિવિલિયન પર્સનલ ઓફિસરને નવી એપ્લીકેશન મોકલી અને તેમાં ભલામણ કરી કે, આ બાઈકને પોલીસવાળાઓ પાસેથી છોડાવીને આ વ્યક્તિને પાછુ સોંપી દેવામાં આવે.