પાકિસ્તાનની ટોચની યુનિવર્સિટીમાં વિદ્યાર્થીઓને પૂછવામાં આવેલા એક પ્રશ્ન પર હંગામો શરૂ થયો છે. અહીં 'ભાઈ અને બહેન વચ્ચે સેક્સ' વિષય પર નિબંધ લખવાનું કહેવામાં આવ્યું.
પાકિસ્તાનની ટોચની યુનિવર્સિટીમાં વિદ્યાર્થીઓને પૂછવામાં આવે પ્રશ્ન પર હંગામો
ભાઈ અને બહેન વચ્ચે સેક્સ વિષય પર નિબંધ લખવા કહ્યું
વિવાદાસ્પદ પ્રશ્નપત્ર પણ સોશિયલ મીડિયા પર ઝડપથી વાયરલ થયું
પાકિસ્તાનની ટોચની યુનિવર્સિટીમાં વિદ્યાર્થીઓને પૂછવામાં આવેલા એક પ્રશ્ન પર હંગામો શરૂ થયો છે. અહીં 'ભાઈ અને બહેન વચ્ચે સેક્સ' વિષય પર નિબંધ લખવાનું કહેવામાં આવ્યું. આ વિવાદાસ્પદ પ્રશ્નપત્ર પણ સોશિયલ મીડિયા પર ઝડપથી વાયરલ થઈ રહ્યું છે. માત્ર પાકિસ્તાનની યુનિવર્સિટીને જ નહીં પરંતુ સમગ્ર પાકિસ્તાનને શરમાવ્યું
પાકિસ્તાનમાં દર વખતે કંઈકને કંઈક રીતે ચર્ચામાં રહે છે. ક્યારેક ક્યાંક બોમ્બ બ્લાસ્ટ થાય છે તો ક્યારેક ત્યાંના નેતાઓ કંઈક એવું બોલે છે જેનાથી માત્ર તેઓ જ નહીં પરંતુ આખો દેશ શરમમાં મુકાઈ જાય છે. હાલમાં સમગ્ર વિશ્વમાં ફરી એકવાર પાકિસ્તાન ભારે મુશ્કેલીનો સામનો કરી રહ્યું છે, પરંતુ આ વખતે હંગામો ત્યાંની એક ટોચની યુનિવર્સિટી સાથે જોડાયેલો છે . પાકિસ્તાનમાં શિક્ષણનું સ્તર કેવું છે, સ્થિતિ કેવી છે, તે સૌ જાણે છે અને તેનું જીવતું જાગતું ઉદાહરણ તાજેતરની એક ઘટના છે, જેણે માત્ર પાકિસ્તાનની યુનિવર્સિટીને જ નહીં પરંતુ સમગ્ર પાકિસ્તાનને શરમાવ્યું છે.
پاکستان کی اعلیٰ یونیورسٹیاں پاکستان کے نوجوانوں اور ہماری ثقافت اور مذہبی اقدار کو تباہ کرنے کے مشن پر رواں دواں!
આ કેસ પાકિસ્તાનની COMSATS યુનિવર્સિટીનો છે
વાત એવી છે કે અહીંયાની એક ટોચની યુનિવર્સિટીમાં વિદ્યાર્થીઓને 'ભાઈ અને બહેન વચ્ચે સેક્સ' વિષય પર નિબંધ લખવાનું કહેવામાં આવ્યું હતું. એક લેક્ચરરે આપેલા આ સવાલે આખી દુનિયામાં ખળભળાટ મચાવી દીધો છે. આ કેસ પાકિસ્તાનની COMSATS યુનિવર્સિટીનો છે, જે રાજધાની ઈસ્લામાબાદમાં સ્થિત છે. યુનિવર્સિટીનું આ વિવાદાસ્પદ પ્રશ્નપત્ર પણ સોશિયલ મીડિયા પર ઝડપથી વાયરલ થઈ રહ્યું છે.
COMSATS માં ભાઈ અને બહેન વચ્ચે સેક્સ પર શિક્ષણ!
શહરયાર બુખારી નામના વ્યક્તિએ તેના ટ્વિટર હેન્ડલ @ShehryarReal પર વિવાદિત પ્રશ્નપત્રની તસવીર શેર કરી અને કેપ્શનમાં લખ્યું, 'પાકિસ્તાનની ટોચની યુનિવર્સિટીઓ પાકિસ્તાનના યુવાનો અને આપણી સંસ્કૃતિ અને ધાર્મિક મૂલ્યોને નષ્ટ કરવાના મિશન પર છે! LUMS માં ગંગા-જામુની સંસ્કૃતિનો પ્રચાર અને COMSATS માં ભાઈ અને બહેન વચ્ચે સેક્સ પર શિક્ષણ!'. યુનિવર્સિટીએ વિવાદાસ્પદ પ્રશ્ન પૂછનાર લેક્ચરરને નોકરીમાંથી કાઢી મૂક્યો
વાસ્તવમાં, પ્રશ્નપત્રમાં ભાઈ-બહેન ફરવા ગયા છે તેની એક કાલ્પનિક વાર્તા લખવામાં આવી હતી અને તે વાર્તાના અંતે વિદ્યાર્થીઓને પ્રશ્ન પૂછવામાં આવ્યો હતો કે 'શું ભાઈ-બહેનનું સેક્સ કરવું યોગ્ય છે? તમે તેના વિશે શું વિચારો છો?'. જોકે આ મામલો પ્રશાસન અને મંત્રાલય સુધી પહોંચતા યુનિવર્સિટીએ લેક્ચરરની કોલેજમાંથી કાઢી મુક્યો હતો. પાકિસ્તાનના વિજ્ઞાન અને ટેક્નોલોજી મંત્રાલયે માહિતી આપી છે કે યુનિવર્સિટીએ વિવાદાસ્પદ પ્રશ્ન પૂછનાર લેક્ચરરને નોકરીમાંથી કાઢી મૂક્યો છે. આ સાથે તેને બ્લેકલિસ્ટ પણ કરવામાં આવ્યો છે.