Viral / VIDEO: લો બોલો, દહી લેવા માટે ડ્રાઇવરે ઊભી રાખી ટ્રેન, વીડિયો વાયરલ થતાં મંત્રી પણ અકળાયાં

• પાકિસ્તાનમાં પેસેન્જર ટ્રેનના ડ્રાઈવરે કરી આવી મૂર્ખામી
• દહી લેવા માટે ડ્રાઈવરે રસ્તા વચ્ચે ટ્રેન રોકી દીધી
• રેલવે મંત્રીએ ડ્રાઈવર અને આસિસ્ટન્ટને સસ્પેન્ડ કર્યા

દહી ખરીદવા માટે ડ્રાઈવરે ટ્રેન અટકાવી

સોશિયલ મીડિયામાં એક વીડિયો વાયરલ થઇ રહ્યો છે. મીડિયા રિપોર્ટ મુજબ, વીડિયોમાં ટ્રેન ડ્રાઈવર રાણા મોહમ્મદ શહજાદ દહી ખરીદવા માટે લાહોરના એક રેલવે સ્ટેશન નજીક ટ્રેન અટકાવી રહ્યો છે અને ટ્રેનમાંથી તેનો આસિસ્ટન્ટ ઈફ્તિખાર હુસૈન દહી ખરીદીને ટ્રેનમાં બેસી ગયો. આ વીડિયો સામે આવ્યાં બાદ રેલવે મંત્રી આજમ ખાન સ્વાતીએ મંગળવારે ટ્રેનના ડ્રાઈવર અને આસિસ્ટન્ટને સસ્પેન્ડ કરી દીધા છે.

Inter-city train driver in Lahore gets suspended after making unscheduled stop to pick up some yoghurt.#pakistan #Railway #ViralVideo pic.twitter.com/n6csvNXksQ

— Naila Tanveer🦋 (@nailatanveer) December 8, 2021

હું ભવિષ્યમાં આવી બેદરકારી ચલાવીશ નહીં: રેલવે મંત્રી

રેલવે મંત્રીએ એક નિવેદનમાં ચેતવણી આપતા કહ્યું, હું ભવિષ્યમાં આ પ્રકારની ઘટનાઓને ચલાવીશ નહીં અને કોઈને પણ અંગત ઉપયોગ માટે રાષ્ટ્રીય સંપત્તિ ઉપયોગ કરવાની મંજૂરી નહીં આપુ. આ ઘટનાનો વીડિયો સામે આવ્યાં બાદ પાકિસ્તાન રેલવે વિભાગની ખૂબ ટીકા થઈ રહી છે. સોશિયલ મીડિયામાં યુઝર્સ પાકિસ્તાની રેલવેની મજાક ઉડાવી રહ્યાં છે.