પગલાં / આતંકવાદ સામે એક્શન મોડમાં ઇમરાન સરકાર, હાફિઝ સઇદ સામે કરશે કાર્યવાહી

આંતરરાષ્ટ્રીય સ્તરે જે રીતે પાકિસ્તાનને એક પછી એક પછડાટ મળી રહી છે. આતંકી દેશ જાહેર કરવાની માગો ઉઠી રહી છે. તેને જોતા હવે પાકિસ્તાન ક્યાંકને ક્યાંક ડર મહેસૂસ કરી રહ્યું છે. ત્યારે જ મુંબઈ હુમલાના માસ્ટર માઈન્ડ હાફિઝ સઈદ આતંકી હોવાનું સ્વિકારી લીધું છે અને ટુંક સમયમાં જ તેની વિરુદ્ધ કાર્યવાહી કરવાની તૈયારી પણ કરી રહ્યું છે.

હાફિઝ સઇદ સહિત 12 સહયોગીઓની થઇ શકે ધરપકડ

ખાનગી એજન્સીઓના મતે પાકિસ્તાન હાફિઝ સઈદ અને તેના 12 સહયોગીની ટૂંક સમયમાં જ ધરપકડ કરી શકે છે. એટલું જ નહીં પરુંત આતંકીઓની ધરપકડ માટે સરકારી મંજૂરીની પણ પોલીસ કે સુરક્ષા એજન્સીઓને જરૂર નહીં પડે. 

જોકે પાકિસ્તાનની આ કાર્યવાહી પર સૌ કોઈની નજર મંડરાયેલી છે. ખાસ કરીને ભારતની કારણ કે, આ પહેલા પણ પાકિસ્તાન આ પ્રકારની કાર્યવાહી કરી ચૂક્યું છે. ભારતને તો પાકિસ્તાનની આ કાર્યવાહી માત્ર દેખાડો લાગે છે. ત્યારે જોવાનું એ રહેશે કે, ઈમરાન સરકાર આતંકીઓ સામે કાર્યવાહી કરી શકે છે કે, પછી તે પણ આતંકીઓની પાલનહાર બનીને રહી જાય છે.