અમદાવાદના કાલુપુરના રેવડી બજારમાં 20 માર્ચના રોજ પાંચ દુકાનમાં આગ લગાડવાની ઘટના સામે આવી હતી જેમાં આતંકવાદીઓનો સાથ હોવાનું સામે આવતા ખળભળાટ મચી ગયો છે.
આતંકના કાવતરાનું મોડ્યુલ અપનાવવા બાબતે ધરપકડ
ક્રાઇમ બ્રાન્ચે 2 ઓરાપીઓની કરી ધરપકડ
કુલ 4 લોકો સામે આતંકી કાવતરાનો નોંધાયો હતો ગુનો
ભુપેન્દ્ર ઉર્ફે પ્રવીણ,અનિલ અને અકિતનું નામ ખુલ્યું
અમદાવાદના કાલુપુરના રેવડી બજારમાં 20 માર્ચના રોજ પાંચ દુકાનમાં આગ લગાડવાની ઘટના સામે આવી હતી જેમાં આતંકવાદીઓનો સાથ હોવાનું અને એક મોટા ગુનાના કાવતરાનો ખુલાસો થયો છે. આ મામલે અમદાવાદ ક્રાઈમ બ્રાન્ચે 3 લોકોની ધરપકડ કરી છે. આ કિસ્સામાં પાકિસ્તાનની ખુફિયા એજન્સી ISI પણ સામેલ હોવાનો ખુલાસો થયો છે.
સોશિયલ મીડિયામાં યુવાનો દ્વારા આતંકવાદનો ફેલાવો
આજે આ મામલે ક્રાઈમ બ્રાન્ચ દ્વારા પત્રકાર પરિષદ યોજવામાં આવી હતી જેમાં તેમણે જણાવ્યુ હતુ કે, આરોપી પ્રવીણ ફેસબુક પર બાબા પઠાણ નામના વ્યક્તિના સંપર્કમાં આવ્યો હતો અને બાબા પઠાણે પહેલા પ્રવીણને હત્યા માટે ઉકસાવ્યો અને પછી કહ્યુ હતુ કે તમારા વિસ્તારમાં કોઈ મોટા માણસનું ઢીમ ઢાળી દે એટલે કે મર્ડર કર.
આગ લગાવવા માટે તેને દોઢ લાખ જેવી માતબર રકમ ચૂકવાઈ
એટલું જ નહીં પરંતુ તેને એમ પણ કહેવામાં આવ્યુ હતુ કે, કોઈ ભીડભાડવાળી જગાએ જઈને આગ લગાવી દો. એટલે જ આ ત્રણેય આરોપીઓએ 20 માર્ચે PPE કિટ પહેરીને કામને અંજામ આપ્યો હતો. બાબાએ પ્રવીણને હથિયાર ખરીદવા માટે PAYTM થી 25000 ટ્રાન્સફર કર્યા હતા. અને આગ લગાવવા માટે તેને દોઢ લાખ જેવી માતબર રકમ ચૂકવાઈ હતી.
પોલીસ તપાસમાં જાણવા મળ્યુ છે કે, આ કામ માટેના પૈસા વાયા દુબઈ અને મુંબઈ થઈને અમદાવાદ પહોંચ્યા હતા. રેવડીબજારમાં લાગેલી આગના આરોપીઓ સ્થાનિક છે પણ તેની પાછળ ભેજુ ISIનું છે.
આતંકવાદીઓની નવી મોડેસ ઓપરેન્ડી
ક્રાઈમ બ્રાન્ચે જણાવ્યું હતુ કે, ફેસબુકે નવી મોડેસ ઓપરેન્ડી અપનાવી છે. અમે જ્યારે બાબાનું ફેસબુક એકાઉન્ટ ચેક કર્યુ તો તેના ફ્રેન્ડ લિસ્ટમાં સામેલ મોટાભાગના લોકો આવી જ ગતિવિધિયોમાં સામેલ હતા. આ નવું મોડેલ ISIના ઈશારા પર બનાવવામાં આવ્યુ છે. પાકિસ્તાનની ગુપ્તચર એજન્સી ISI ના ઈશારા પર નાના ક્રિમિનલ્સને પૈસા આપીને આતંરિક સુરક્ષાઓ તોડવાની કોશિશ કરવામાં આવી રહી છે. ફેસબુક પેજ બનાવી બાબા નવા નવા યુવાન ગુનેગારોને આતંકવાદી પ્રવૃત્તિઓમાં સામેલ કરતો હોવાનો ચોંકાવનારો ખુલાસો થયો છે.
કેવી રીતે ઝડપાયા આરોપીઓ
ક્રાઈમબ્રાન્ચે કહ્યુ કે ગુજરાતમાં કાલુપુરમાં અગ્નિકાંડ કર્યા બાદ પ્રવીણ પોલીસના હાથે ત્યારે લાગ્યો જ્યારે તે બાબા દ્વારા મળેલા પૈસા લઈને હથિયાર ખરીદવા મધ્યપ્રદેશ પહોંચ્યો હતો. ભુપેન્દ્ર ઉર્ફે પ્રવીણ,અનિલ અને અકિતનું નામ ખુલ્યું છે.