Pakistan Inflation: મોંઘવારી વધવાને કારણે પાકિસ્તાનની જનતા હેરાન થઈ ગઈ છે. ખાદ્ય પદાર્થોનાં ભાવ આસમાને પહોંચ્યાં છે. કિંમત જાણીને દયા આવી જશે.
પાકિસ્તાનમાં ભારે મોંઘવારી
શાકભાજી અને ફળોનાં ભાવ આસમાને
કેળા 250 રૂપિયે ડઝન તો લીંબુ 800 રૂપિયે કિલો
એકતરફ પાકિસ્તાનમાં લોકો ભૂખમરા અને મોંઘવારીનો સામનો કરી રહ્યાં છે તો બીજી તરફ કચ્છ પાકિસ્તાનની બોર્ડર પર પાકિસ્તાની PM શેહબાઝ કોલસાની ફેક્ટ્રીનું ઉદગાટ્ન કરતાં નજરે પડે છે. આર્થિક સંકટનો સામનો કરી રહ્યું પાકિસ્તાન લોટ બાદ તમામ ખાદ્ય પદાર્થોનાં વધેલા ભાવથી ભૂખમરાનો સામનો કરી રહ્યું છે.
લીંબુ 800 રૂપિયે કિલો...
પાકિસ્તાનની સ્થાનિય મીડિયાનાં રિપોર્ટ અનુસાર, લીંબુની કિંમત 200 પાકિસ્તાની રૂપિયા પ્રતિ 250 ગ્રામ ચાલી રહ્યાં છે. આ હિસાબે જોઈએ તો એક કિલો લીંબુ આ સમયે પાકિસ્તાનનાં અનેક શહેરોમાં લગભગ 800 પાકિસ્તાની રૂપિયામાં વેંચાઈ રહ્યાં છે. લસણની વાત કરીએ તો 160 પાકિસ્તાની રૂપિયામાં 250 ગ્રામનાં ભાવે મળી રહ્યાં છે. આ હિસાબે જોઈએ તો એક કિલો લસણની કિંમત 640 પાકિસ્તાની રૂપિયા થઈ ગઈ છે.
250 રૂપિયે ડઝન કેળાં
આ સિવાય ટમેટાની વાત કરીએ તો 120 રૂપિયે કિલો મળી રહ્યાં છે જ્યારે કડવાં કારેલા પણ આટલી જ કિંમતે વેંચાઈ રહ્યાં છે. પાડોશી દેશમાં માત્ર શાકભાજીનાં ભાવ જ નથી વધ્યાં પરંતુ ફળોની કિંમત પણ આસમાને પહોંચી છે. થોડા દિવસો પહેલાં 70 રૂપિયે કિલો વેંચાતી શક્કરટેટી હવે 250 રૂપિયે કિલો વેંચાઈ રહી છે. કેળાની કિંમત હવે 250 રૂપિયે ડઝન થઈ ગઈ છે. આ સિવાય 50 રૂપિયે 250 ગ્રામ વેંચાતી સ્ટ્રોબેરીનાં ભાવ વધીને 150 રૂપિયે પ્રતિ 250 ગ્રામ થઈ ગયાં છે.