પાકિસ્તાને જે-10સી ફાઈટર જેટનો તેની વાયુસેનામાં સમાવેશ કર્યો છે, જેનાથી તેની સૈન્ય તાકાતમાં વધારો થશે. પાકિસ્તાને ફાઈટર વિમાનને ચીન પાસેથી ખરીદ્યુ છે. જણાવવામાં આવી રહ્યું છે કે પાકિસ્તાને ચીન જે-10સી ફાઈટર પ્લેન ભારતના ફાઈટર વિમાન રાફેલનો મુકાબલો કરવા માટે ખરીદ્યા છે.
પાકિસ્તાને જે-10સી ફાઈટર જેટનો તેની વાયુસેનામાં સમાવેશ કર્યો
પાકિસ્તાને આ ફાઈટર જેટ ચીન પાસેથી ખરીદ્યુ
પાકિસ્તાને ભારતના ફાઈટર વિમાન રાફેલનો મુકાબલો કરવા ખરીદ્યા
પાકિસ્તાનની વાયુસેનામાં જે-10સી સામેલ
જો કે, ચીને કેટલા જે-10સી ફાઈટર જેટ પાકિસ્તાનને આપ્યાં છે, તે અંગે હજી સુધી કોઈ ભાળ મળી નથી. જે-10સી ફાઈટર જેટનો વાયુસેનામાં સમાવેશ કરવા માટે શુક્રવારે પાકિસ્તાનના વડાપ્રધાન ઈમરાન ખાને પંજાબના એટોક જિલ્લા સ્થિત પાકિસ્તાન વાયુસેના અડ્ડા મિનહાસ કામરામાં એક સમારોહને સંબોધન કર્યુ.
ક્ષેત્રમાં અસંતુલન ઉભુ કરવાનો પ્રયાસ
ઈમરાન ખાને ફ્રાન્સ પાસેથી ભારતના Rafale ફાઈટર વિમાન ખરીદવાની અને તેનુ નામ લીધા વિના ઈશારો કરતા કહ્યું, દુર્ભાગ્યવશ, ક્ષેત્રમાં એક અસંતુલન ઉભુ કરવાની કોશિશ કરાઈ રહી છે અને તેનુ સમાધાન કરવા માટે આજે અમારી રક્ષા પ્રણાલીમાં એક મોટો વધારો કરવામાં આવ્યો છે.
ચીને 8 મહિનામાં તૈયાર કર્યા ફાઈટર વિમાન
પાકિસ્તાનના વડાપ્રધાને લગભગ 40 વર્ષ બાદ આ સિદ્ધીને પાકિસ્તાન માટે એક મોટી સિદ્ધી જણાવી છે, જ્યારે અમેરિકા દ્વારા તૈયાર કરાવવામાં આવેલા એફ-16 ફાઈટર વિમાનોનો પાકિસ્તાની વાયુસેનામાં સમાવેશ કરવામાં આવ્યો હતો. પાકિસ્તાને લગભગ આઠ મહિનાથી પણ ઓછા સમયમાં વિમાન તૈયાર કરાવવાને લઇને ચીનનો આભાર પણ માન્યો. જ્યારે આધુનિક ફાઈટર વિમાન પ્રાપ્ત કરવામાં ઘણા વર્ષો લાગી જાય છે.