કોરોના વાયરસ / ભારત તરફથી પાકિસ્તાનને મળી શકે છે કોરોનાની રસી : રિપોર્ટ

• પાકિસ્તાને અત્યાર સુધી 2 રસીને ઈમરજન્સી મંજૂરી આપી છે
• મેડ ઈન ઈન્ડિયા રસીની માંગ
• પાકિસ્તાન પાસે ભારત પાસેથી રસી લેવાના 2 વિકલ્પ 

પાકિસ્તાને અત્યાર સુધી 2 રસીને ઈમરજન્સી મંજૂરી આપી છે

મીડિયા રિપોર્ટ્સનું માનીએ તો નેબરહુડ ફર્સ્ટ પોલીસી હેઠળ ભારત પોતાના પડોશી અને નજીકના દેશોને કોરોન રસી મોકલી રહ્યું છે. એક મીડિય ગ્રુપે સરકારી સૂત્રોના હવાલાથી દાવો કર્યો છે કે પીએમ મોદી માનવતાના નામ પર પડોસી દેશઓને કોરોનાની રસી આપી રહ્યા છે. તેવામાં જો પાકિસ્તાન પણ રસી માંગે છે તો ભારતને તેને આપવામાં કોઈ વાંધો નથી. ઉલ્લેખનીય છે કે પાકિસ્તાને અત્યાર સુધી 2 રસીને ઈમરજન્સી મંજૂરી આપી છે. તે છે ચીનની સિનોફાર્મ અને ઓક્સફોર્ડ- એસ્ટ્રાજેનેકાની કોવિશીલ્ડ.

ભારત પાસે રસી લેવાના 2 વિકલ્પ 

એક અંગ્રેજી અખબારના જણાવ્યાનુંસાર પાકિસ્તાન પણ ભારત પાસે રસી લેવા ઈચ્છે છે. આ માટે પાકિસ્તાન પાસે 2 રસ્તા છે. પહેલો એ કે ઈમરાન ખાનની સરકાર પીએમ મોદી પાસે પડોશી હોવાની રીતે રસીની માંગ કરી શકે છે. ભારત નેબરહુડ ફર્સ્ટ પોલીસી અંતર્ગત પાકિસ્તાનને રસી આપી શકે છે. જ્યારે પાકિસ્તાનની પાસે બીજો રસ્તો છે કે તે વિશ્વ સ્વાસ્થ્ય સંગઠનના માધ્યમથી રસી લે. હકિકતમાં કોવેક્સ નામનું સંગઠન છે જેના માધ્યમથી 190 દેશોની 20 ટકા જનસંખ્યાને મફતમાં રસી આપવામાં આવે છે. પાકિસ્તાન પણ આનું સભ્ય છે.

મેડ ઈન ઈન્ડિયા રસીની માંગ

કોવિશિલ્ડ રસીના0 20 લાખ ડોઝ બાંગ્લાદેશ અને 10 લાખ નેપાળને મોકલવામાં આવ્યા છે. ભૂતાનને પણ દોઢ લાખ ડોઝ આપવામાં આવ્યા છે. જ્યારે માલદીવને અત્યાર સુધી 1 લાખ રસી આપવામાં આવી છે. બાંગ્લાદેશમાં ભારતીય ઉચ્ચાયોગે ટ્વીટ કરી કે ભારતના લોકો અને સરકાર તરફથી બાંગ્લાદેશ સરકારને મેડ ઈન ઈન્ડિયા કોવિડ 19ની રસીના 20 લાખ ડોઝ સોંપાયા.