ફોરેન ફંડિંગ કેસમાં પાકિસ્તાનના પૂર્વ પ્રધાનમંત્રી ઈમરાન ખાન અને તેમની તહરીક એ ઈંસાફ પાર્ટી દોષિત સાબિત થઈ છે.
પાકિસ્તાનના પૂર્વ પ્રધાનમંત્રી ઈમરાન ખાન ફસાયા
ફોરેન ફંડિંગ કેસમાં ઈલેક્શન કમિશને દોષિત ઠેરવ્યા
તમામ અકાઉન્ટ સીઝ કર્યા, થઈ શકે છે મોટી કાર્યવાહી
8 વર્ષ જૂના ફોરેન ફંડિંગ કેસમાં પાકિસ્તાનના પૂર્વ પ્રધાનમંત્રી ઈમરાન ખાન અને તેમની તહરીક એ ઈંસાફ પાર્ટી દોષિત સાબિત થઈ છે. ઈલેક્શન કમિશન ઓફ પાકિસ્તાને ઈમરાન નોટિસ આપીને પૂછ્યું છે કે, તેમના તમામ અકાઉન્ટ શા માટે સીઝ કરવામાં ન આવે.
ઈમરાન અને PTIએ પહેલા પણ આ મામલે જવાબ નહોતો આપ્યો. કમીશનના નિર્ણય મુજબ PTIના 34 વિદેશી નાગરિકો અને 351 કંપનીઓથી ફંડ લીધું. ફક્ત 8 જનરલ અકાઉન્ટની જાણકારી આપી. 13માં બ્લેક મની રાખી અને તેને છુપાવી. તે ઉપરાંત 3 ખાતા એવા હતા, જેની ઊંડાણપૂર્વક તપાસ થઈ રહી છે. કમિશનને ઈમરાન ખાને ખોટુ એફિડેવિટ પણ આપ્યું હતું.
પાકિસ્તાનના સ્થાનિક અખબારના હવાલેથી સામે આવ્યું છે કે, ઈલેક્શન કમિશનના ડોક્યુમેન્ટ્સમાં ઈમરાન ખાન અને પીટીઆઈએ અમેરિકામાં રહેતા ભારતી મૂળના બિઝનેસ વુમન રોમિતા શેટ્ટી પાસેથી લગભગ 14 હજાર ડોલર ડોનેશન લીધું.
શા માટે ફસાયા ઈમરાન ખાન
ઈમરાન ખાન અને તેમની પાર્ટી પાકિસ્તાન તહરીકે ઈંસાફ પર આરોપ હતો કે, તેમણે ભારત સહિત કેટલાય દેશોમાંથી અરબો રૂપિયાનું ડોનેશન એકઠું કર્યું, તેની જાણકારી સરકાર, ઈલેક્શન કમિશન અથવા ફાઈનાન્સ મિનિસ્ટ્રીને નહોતી આપી.
ખાસ વાત એ છે કે, ઈમરાન ચાર મહિના પહેલા સુધી જે ચીફ ઈલેક્શન કમિશ્નર સિકંદર સલ્તાન રાજાના વખાણ કરતા થાકતા નહોતા. હવે તેમને જ હટાવાની માગ કરી રહ્યા છે. ખાન અને તેમની પાર્ટીના તમામ અકાઉન્ટ્સ સીઝ કરી દેવામાં આવ્યા છે. આજીવન ચૂંટણી લડવા પર પ્રતિબંધ પણ લાગી શકે છે. પાર્ટી પર પણ બેન લાગી શકે છે. પાકિસ્તાનમાં વિદેશથી કોઈ પોલિટિકલ ડોનેશન મેળવવું ગેરકાયદેસર છે.