પાકિસ્તાન / ઢાકાના વીડિયોને ગણાવ્યો UPનો, ફેક ન્યૂઝના કારણે ઈમરાન ખાને કર્યો ડિલિટ

• પાકિસ્તાનના PM ઈમરાન ખાને ટ્વિટ કર્યો વીડિયો
• ઢાકાના વીડિયોને ગણાવ્યો UPનો
• મજાક બન્યા બાદ ટ્વિટ કરેલો વીડિયો કર્યો ડિલિટ

પાકિસ્તાનના PM ઈમરાન ખાન ખાસ કરીને ભારતને નીચું બતાવવા માટે સોશ્યિલ મીડિયા પર પોસ્ટ કરતા રહે છે. ભારતની વિરુદ્ધમાં ફેક ન્યૂઝ ફેલાવવામાં ઈમરાન ખાન પાછળ રહ્યા નથી પરંતુ આ વખતે તેમનો દાવ સોશ્યિલ મીડિયા પર પકડાઈ ગયો.

PM ઈમરાન ખાને કરી હતી આ ટ્વિટ

પાકિસ્તાનના PM ઈમરાન ખાને પોતાના ટ્વિટર એકાઉન્ટ પર એક પછી એક વીડિયો પોસ્ટ કર્યા. આ વીડિયોને પોસ્ટ કરવાની સાથે ઈમરાન ખાને લખ્યું કે ઉત્તર પ્રદેશમાં ભારતીય પોલીસની મુસ્લિમોની વિરુદ્ધમાં કાર્યવાહી.

Prime Minister of Pakistan Imran Khan tweets an old video of violence from Bangladesh and says, 'Indian police's pogrom against Muslims in UP.' pic.twitter.com/6SrRQvm0H9

— ANI (@ANI) January 3, 2020

પાકિસ્તાની PMએ જે વીડિયો શેર કર્યો તેમાં પોલીસની તરફથી સામાન્ય નાગરિકોને માર મારવામાં આવી રહ્યો છે. વીડિયોમાં દેખાઈ રહેલા પોલીસ કર્મીઓને ઈમરાન ખાને યૂપી પોલીસના જવાન કહ્યા હતા. પરંતુ પાકિસ્તાની PM અહીં પોતાની જ મજાક બનાવી બેઠા.

7 વર્ષ જૂનો છે આ વીડિયો

ઈમરાન ખાનની કોશિશ હતી કે નાગરિકતા સંશોધન કાયદાને લઈને ભારતમાં જે હિંસા થઈ તેને લઈને વીડિયો મૂકી ભારતને બદનામ કરે. પરંતુ આ વીડિયો ભારતનો ન હતો. સોશ્યિલ મીડિયા પર આ પોલ ખૂલી. ઈમરાન ખાને જે વીડિયો શેર કર્યો હતો તે બાંગ્લાદેશના ઢાકાનો હતો. એટલું જ નહીં આ વીડિયો 7 વર્ષ જૂનો હતો. 

જો કે મજાક બનવાનો અહેસાસ થવાની સાથે તેઓએ પોતાના ટ્વિટર એકાઉન્ટ પરથી પોસ્ટને ડિલિટ કરી હતી. પરંતુ ત્યાં સુધી આ ફેક ન્યૂઝ ફેલાઈ ચૂક્યા હતા.