હોબાળો / VIDEO: ભળભળતા જંગલમાં ટિક-ટૉક સ્ટાર પહોંચી ગઈ વીડિયો બનાવવા, 'ગરમ' થઈ ગયા યુઝર્સ

• પાકિસ્તાનમાં ટીક-ટૉક સ્ટારની હરકતથી વધ્યો હોબાળો
• જંગલમાં ભીષણ આગમાં સ્ટારે વીડિયો કર્યો શૂટ
• ટીક-ટૉક સ્ટારનો વીડિયો જોઇ યુઝર્સ થયા ગુસ્સે

ટીક-ટૉક સ્ટારના વીડિયોથી યુઝર્સ ભડક્યા 

હાલમાં પાકિસ્તાન ભયાનક હીટવેવનો સામનો કરી રહ્યું છે. સ્થિતિ એવી છે કે કેટલાંક વિસ્તારોમાં તાપમાન 51 ડિગ્રી સુધી પહોંચી ગયુ છે. જેના કારણે એબટાબાદના જંગલમાં ભીષણ આગ લાગી ગઇ છે. એવામાં વિકટભરી પરિસ્થિતિમાં મદદની જગ્યાએ ટીક-ટૉક સ્ટારનો વીડિયો શૂટથી યુઝર્સ ગુસ્સે થઇ રહ્યાં છે.

બળતા જંગલની વચ્ચે વીડિયો કર્યો શૂટ 

હાલમાં પાકિસ્તાનની એક ટીક-ટૉક સ્ટાર હુમેરા અસગરે બળતા જંગલની વચ્ચે એક વીડિયો પોસ્ટ કર્યો હતો. જેના કારણે હવે તેને સોશિયલ મીડિયામાં યુઝર્સના આક્રોશનો સામનો કરવો પડી રહ્યો છે. સોશિયલ મીડિયા પ્લેટફોર્મ પર આ વીડિયોને શેર કરીને લખવામાં આવ્યું છે કે જ્યાં હું પણ જઉ છુ, ત્યાં આગ લાગી જાય છે. વધુ એક એબટાબાદના જંગલમાં ભીષણ આગ લાગી છે, તો બીજી તરફ તેની આ પોસ્ટ આગમાં ઘી નાખવાનુ કામ કરે છે. તેની આ પોસ્ટ પર યુઝર્સ સતત પોતાનો આક્રોશ દર્શાવી રહ્યાં છે.

This tiktoker from Pakistan has set fire to the forest for 15 sec video.

Government should make sure that culprits are punished and the tiktoker along with the brand should be penalised. #Pakistan #TikTok pic.twitter.com/76ad77ULdJ

— Discover Pakistan 🇵🇰 | پاکستان (@PakistanNature) May 17, 2022

પોલીસે જંગલમાં આગ લગાવવાના આરોપમાં એક વ્યક્તિની કરી ધરપકડ

જણાવવામાં આવ્યું છે કે પોલીસ આ મહિનાની શરૂઆતમાં એબટાબાદના ઉત્તર-પશ્ચિમી શહેરમાં જાણીજોઇને જંગલમાં આગ લગાવવાના આરોપમાં એક વ્યક્તિની ધરપકડ કરવામાં આવી હતી. ઈન્ટરનેટ પર પાકિસ્તાન ટીક-ટૉક સ્ટાર હુમેરા અસગરની આ હરકતથી મચેલા હોબાળા બાદ હવે તેના મેનેજર બગડતી સ્થિતિને સંભાળવામાં લાગી ગયા છે. તેના મેનેજરે સ્પષ્ટતા આપતા કહ્યું છે કે આગ તેમણે ફેલાઈ નથી અને વીડિયો બનાવવામાં કશું ખોટુ નથી. વિવાદને વધતો જોઇને પ્રથમ ક્ષણે આ વીડિયોને ડીલીટ કરી દેવામાં આવ્યો છે.