Pakistan Election: PTI અને PPP વચ્ચે ખરાખરીનો જંગ ઈમરાન ખાનનું પલ્લુ ભારે

દિલ્હી: પાડોશી દેશ પાકિસ્તાનમાં જનરલ ચૂંટણી માટે મતદાન શરૂ થઈ ગયું છે. પાકિસ્તાન નવા પ્રધાનમંત્રી ચૂંટવા માટે સમગ્ર રીતે તૈયાર છે. આજે નક્કી થઈ જશે કે પાકિસ્તાનના આગામી PM કોણ બનશે. મતદાન હાલ શરૂ થઈ ગયું છે અને સાંજના 6 વાગ્યા સુધી મતદાન ચાલશે.

આજ સાંજે મતદાન પૂર્ણ થઈ ગયા બાદ મતગણતરી શરૂ કરવામાં આવશે. જ્યારે મોડી રાત સુધીમાં ચૂંટણીના પરિણામ આવી શકે છે. આતંકવાદી હુમલા અને સેનાના હસ્તક્ષેપના આરોપો અને અવ્યવસ્થિત ચૂંટણી અભિયાની સમાપ્તિ બાદ પાકિસ્તાનની જનતા નવા પીએમને ચૂંટવા માટે મતદાન કરવા બહાર નીકળી રહી છે.

272 બેઠક પર આશરે 100 જેટલા રાજકીય પક્ષ મેદાને ઉતર્યા છે. તો બીજી બાજુ ભ્રષ્ટાચારના આરોપમાં પૂર્વ પ્રધાનમંત્રી નવાઝ શરીફ અને તેમની દીકરી અને જમાઈલ જેલમાં બંધ છે. મુખ્ય મુકાબલો શરીફની હતોત્સાહિત પાર્ટી પાકિસ્તાન મુસ્લીમ લીગ-નવાઝ અને ક્રિકેટરમાંથી નેતા બનેલા ઈમરાન ખાનની પાર્ટી પાકિસ્તાન તહરીક-એ-ઈન્સાફ અને પાકિસ્તાન પિપુલ્સ પાર્ટી વચ્ચે છે.
 

In the backdrop of a checkered political history Pakistan is all set to vote in the 11th general election today

Read @ANI Story | https://t.co/WuK8HwawtH pic.twitter.com/ecwK1t10W5

— ANI Digital (@ani_digital) July 24 2018

ઉલ્લેખનીય છે કે આ સાથે જ અહીં અનેક નાની મોટી પાર્ટીઓ પણ છે જે ચૂંટણીમાં પોતાનું નસીબ અજમાવી રહી છે. ઈમરાન ખાનના વિરોધીઓનું માનીએ તો ઈમરાન ખાનની પાર્ટીને પાકિસ્તાની સેના અને ગુપ્તચર એજન્સી ISIનું સમર્થન છે. જેથી કહેવામાં આવી રહ્યું છે કે ઈમરાન ખાનની પાર્ટીને બહુમત મળી શકે છે.

આપને જણાવી દઇએ કે તો બીજી તરફ મુંબઈ હુમલાનો માસ્ટર માઈન્ડ હાફિઝ સઈદ નો દીકરો હાફિઝ તલ્હા અને જમાઈ ખાલિદ વલીદ પણ મેદાને છે.



ત્યારે પાકિસ્તાનના આગામી પ્રધાનમંત્રી કોણ હશે તે આજે જ ખ્યાલ આવી જશે. ચૂંટણી સમાપ્ત થયા બાદ તે જ સેન્ટરમાં મતગણતરી શરૂ થઈ જશે અને બાદમાં મોડી રાત સુધીમાં ચૂંટણી પરિણામો આવી શકે છે.