પાડોશી દેશ પાકિસ્તાનમાં મોંઘવારીના લીધે લોકોની સ્થિતિ બગળતી જાય છે. લોટનાં ભાવ આસમાને છે. સબસિડીવાળો લોટનો પેકેટ મેળવવા માટે લોકોમાં પડાપડી થઈ રહી છે. સિંધ પ્રાંતમાં આ પેકેટ લેવાના ચક્કરમાં એક વ્યક્તિનું મોત થયું છે.
પાકિસ્તાનમાં મોંઘવારીનો વિસ્ફોટ
લોટની કિંમતો આસમાને પહોંચતા લોકો હતાશ
સબસિડીવાળો લોટ મેળવવાના ચક્કરમાં એકનું મોત
પાકિસ્તાનમાં લોટને લઈને હાહાકાર મચી ગયો છે. લોટની કિંમતો આસમાને પહોંચી ગઈ છે. બજારથી સબસિડીવાળા લોટનો સ્ટોક સમાપ્ત થઈ ગયો છે. સ્થિતિ એટલી બગડતી જાય છે કે સરકાર તરફથી સબસિડીવાળો લોટ એટલે કે બજારથી ઓછી કિંમતે પેકેટ બનાવી વેંચવાની નોબત આવી છે.
એક વ્યક્તિનું મૃત્યુ નોંધાયું
રવિવારે પાકિસ્તાનનાં અલગ-અલગ હિસ્સાઓમાં સરકારની તરફથી બજારની તુલનામાં ઓછી કિંમતવાળો લોટના પેકેટ સામાન્ય જનતામાં વેંચવામાં આવ્યાં. તે મેળવવા માટે લોકોનાં ઝૂંડ ઊમટી પડ્યા. આ પડાપડીનાં ચક્કરમાં કેટલાક લોકો ઘાયલ થયાં જ્યારે એક વ્યક્તિનું મૃત્યુ પણ થયું છે.
#Pakistan : In Mirpurkhas, a poor man lost his life when he wanted to buy 10kg of flour.
Harsingh kolhi a poor laborer of Mirpurkhas, #Sindh standing in line for low priced wheat flour was crushed to death#Tragedy 💔 💔 pic.twitter.com/E4VwxB4Wag
લોટની વધતી કિંમતોનાં કારણે મોટી દુર્ઘટના
પાકિસ્તાનમાં લોટનાં વધી રહેલા ભાવનાં કારણે તે દેશમાં મોટી દુર્ઘટના સર્જાઈ છે. લોટનો સબસિડીવાળો પેકેટ લેવાની દોટમાં સિંધ પ્રાંતમાં એક વ્યક્તિનું મોત થયું. સિંધનાં મીરપુર ખાસમાં એક વાહન પર લોટનાં પેકેટ લઈને કેટલાક લોકો પહોંચ્યાં. ઓછી કિંમતના પેકેટને લેવા માટે મોટી સંખ્યામાં લોકો ઊમટ્યા. વાહન પર પેકેટ સીમિત જ હતાં. ભાગાદોડીમાં સ્થિતિ એવી થઈ કે તે વ્યક્તિ પડી ગયો અને ઘાયલ થયો જેનું તે જ સમયે મોત નિપજ્યું. માહિતી અનુસાર આ વ્યક્તિ 45 વર્ષનો હતો અને તેના 6 સંતાનો છે.
20 કિલો લોટની કિંમત 3100 રૂપિયા
પાકિસ્તાનનાં ખૈબર પખ્તૂનખ્વા અને બલૂચિસ્તાન પ્રાંતમાં સબસિડીવાળા લોટનો સ્ટોક સમાપ્ત થયા હોવાની માહિતી મળી છે. ખૈબર પખતૂનખ્વામાં લોકો લોટ માટે સરકારી દુકાનો શોધી રહ્યાં છે કે જ્યાં લોટનું પેકેટ 1200 રૂપિયામાં મળતું હોય. ખુલ્લા બજારમાં 20 કિલોવાળા પેકેટની કિંમતો 3100 રૂપિયા સુધી પહોંચી છે.