પાકિસ્તાન ફરી એકવાર તણાવમાં છે. પાકિસ્તાનના પ્રધાનમંત્રી ઈમરાન ખાનને ફરી એકવાર ભારતથી ડર લાગી રહ્યો છે. પાકિસ્તાનને લાગે છે કે ભારત તેના વિરુદ્ધ મોટી કાર્યવાહી કરી શકે છે. જાણો પાકિસ્તાન કેમ ફરીથી ડરેલું છે.
દક્ષિણ એશિયામાં હથિયારોની હોડ શરૂ થઈ શકે છેઃ પાકિસ્તાન
ભારત આગામી દિવસોમાં મોટી કાર્યવાહી કરી શકે છેઃ પાકિસ્તાન
ભારતે કાર્યવાહી કરી તો પાકિસ્તાન તેનો જવાબ આપશેઃ પાક. પ્રવક્તા
આ દરમિયાન ભારત કોઈ કાર્યવાહી કરી શકે છે
પાકિસ્તાની વિદેશ મંત્રાલયના પ્રવક્તા આયશા ફારુકીએ કહ્યું કે,‘ઈમરાન ખાન સરકારને આ મુદ્દે ડર લાગી રહ્યો છે. જોકે તેનું મુખ્ય કારણ ન બતાવ્યું. ફારુકીએ કહ્યું કે, ‘તૂર્કીના રાષ્ટ્રપતિ રિસેપ તૈયપ અદોંગન પાકિસ્તાનની મુલાકાતે છે. આ દરમિયાન ભારત કોઈ કાર્યવાહી કરી શકે છે.’
...તો પાકિસ્તાન તેનો જવાબ આપશે
પાક. પ્રવક્તાએ આ બાબતે ધમકી પણ આપી દીધી. ફારુકીએ કહ્યું કે, ‘જો ભારત કોઈ કાર્યવાહી કરશે, તો પાકિસ્તાન તેનો જવાબ આપશે.’ તેમણે એમ પણ કહ્યું કે ‘તુર્કી કશ્મીર મુદ્દે પાકિસ્તાનનાં સમર્થનમાં છે જે ભાજપને હજમ નથી થઈ રહ્યું. ’
ક્યાંક ભારત તેના પર કોઈ મોટી કાર્યવાહી ન કરે
તેમજ આયેશાએ કહ્યું હતું કે અમેરિકી રાષ્ટ્રપતિ ડોનાલ્ડ ટ્રમ્પે ભારતને 1.8 અબજ ડોલરમાં એર ડિફેન્સ સિસ્ટમ વેચવાને મંજૂરી આપી દીધી છે. જેનાથી દક્ષિણ એશિયામાં હથિયારોની હોડ શરૂ થઈ શકે છે. ’જોકે આ ડીલનાં કારણે પણ પાકિસ્તાનને ડર લાગી રહ્યો છે કે ક્યાંક ભારત તેના પર કોઈ મોટી કાર્યવાહી ન કરે.