ઈમ્પેક્ટ / ભારતની કાર્યવાહીથી પાકિસ્તાન ફફડ્યું : ઈતિહાસમાં સૌપ્રથમ વખત બોલાવવી પડી આવી બેઠક

• ભારતના ઓપરેશનથી ત્રાસવાદી જૂથમાં ખળભળાટ
• ભારતની કાર્યવાહીથી બોખલાયું પાકિસ્તાન 
• પાકિસ્તાને ભારતીય ક્રાયવાહી સામે બેઠક બોલાવી

ઈતિહાસમાં પહેલીવાર આ પ્રકારની બેઠક બોલાવવામાં આવી

ભારતીય સેનાની કાર્યવાહીથી પાકિસ્તાનમાં હડકંપ મચી ગયો છે. પાકિસ્તાનમાં બન્ને ગૃહમાં ઈમરજન્સી બેઠક બોલાવવામાં આવી છે. આ બેઠક પાકિસ્તાનનાં રાષ્ટ્રપતિ આરિફ અલ્વીએ બોલાવી છે. સૂત્રોનાં જણાવ્યાંનુંસાર પાકિસ્તાનના ઈતિહાસમાં પહેલીવાર આ પ્રકારની બેઠક બોલાવવામાં આવી હતી. 

ભારતે આ ઓપરેશન હાથ ધર્યું છે

ભારત અને આંતરરાષ્ટ્રીય સંબંધ મુદ્દે આ ઈમરજન્સી બેઠક બોલાવવામાં આવી હતી. છેલ્લાં કેટલાક દિવસથી બોર્ડર પર તંગદિલી ભર્યું વાતાવરણ છે. ભારતે ઘૂસણખોરોને ખદેડવા માટે ઓપરેશન હાથ ધર્યું છે. આ ઓપરેશન નીલમ વેલી, મુઝફરાબાદ અને જેલમ વેલીમાં ચાલી રહ્યું છે. પાકિસ્તાનમાં બેઠક ભારતનાં આ આક્રમક જવાબનાં બદલામાં બોલાવવમાં આવી હોવાનું અનુમાન લગાવવામાં આવી રહ્યું છે. આ ઉપરાંત કોટલી, ભીમ્બેર, હવેલીમાં પણ ભારતે ઓપરેશન હાથ ધર્યું છે. 

ભારતના ઓપરેશનથી ત્રાસવાદી જૂથમાં ખળભળાટ

શિયાળાનો ફાયદો ઉઠાવવા માટે ત્રાસવાદીઓ સક્રિય થયા છે. ભારતનાં આ ઓપરેશનોથી ત્રાસવાદી જૂથોમાં ખળભળાટ વ્યાપ્યો છે. તેમજ ભારતની આ કાર્યવાહીથી પાકિસ્તાન બોખલાયું છે. ભારતની આ કાર્યવાહીમાં ભારતનાં 2 જવાન શહીદ થયાં છે.  ઉલ્લેખનીય છે કે ભારતની આ કાર્યવાહી પાકિસ્તાનને ભારે નુકશાન થઈ શકે તેનાં કારણે આ બેઠક બોલાવવામાં આવી બોલાવી હોવાનું મનાઈ રહ્યું છે.