સૂત્રોએ જણાવ્યું કે FATFની ગ્રે લિસ્ટમાં પહેલાથી જઇ ચૂકેલા પાકિસ્તાનને આ લિસ્ટથી બહાર થવા માટે FATF ના 36માંથી 15 સભ્યોનો વોટ જોઇએ. જ્યારે બ્લેકલિસ્ટ થતા રોકવા માટે ઓછામાં ઓછા 3 સભ્યોનો વોટ જોઇએ. ઓરલેન્ડોમાં થનારી બેઠકોમાં પાકિસ્તાન પર કરવામાં આવનારી કાર્યવાહી પર ભલે મુહર લગાવવામાં આવે, પરંતુ એની સત્તાવાર જાહેરાત પેરિસમાં ઓક્ટોબરમાં થનારી FATFની બેઠકમાં કરવામાં આવશે.
જૈશ એ મોહમ્મદ અને લશ્કર એ તૈયબા જેવા આતંકી સંગઠનો સામે કાર્યવાહીમાં નિષ્ફળ રહેલા પાકિસ્તાનને હવે ફાયનાન્સિયલ એક્શન ટાસ્ક ફોર્સ એટલે કે FATFમાં બ્લેકલિસ્ટ થવનો ભય સતાવી રહ્યો છે.
FATFએ પહેલા જ પાકિસ્તાનને જૈશ અને લશ્કર જેવા આતંકી સંગઠનો સામે કાર્યવાહી કરવા માટે સમય આપ્યો હતો. જેથી હવે પાકિસ્તાન પાસે માત્ર 6 દિવસ જેટલો જ સમય બાકી રહ્યો છે. જેની ચિંતા પાકિસ્તાનને સતાવી રહી છે. એટલું જ નહીં FATFએ પાકિસ્તાનને 27 જેટલા એક્શન પ્લાન પણ આપ્યા હતા. જેમાંથી પાકિસ્તાન 18 એક્શન પ્લાન પર નિષ્ફળ સાબિત થયુ છે.
બીજી તરફ FATFએ પાકિસ્તાનને પહેલેથી જ ગ્રે લિસ્ટમાં નાખી દીધું છે. FATFએ આતંકી સંગઠનોને ફંડિંગ મામલે વોચ રાખતી આંતરરાષ્ટ્રીય સંસ્થા છે.
ઉલ્લેખનીય છે કે, FATFની આગામી બેઠક ઓરલોન્ડોમાં આગામી 16 થી 21 મી જૂન સુધી યોજાશે. જેમાં પાકિસ્તાનને બ્લેક લિસ્ટમાં નાખવા માટે પ્રસ્તાવ રજૂ થઈ શકે છે. આ વચ્ચે પાકિસ્તાન એક વખત ફરીથી આ માીટિંગમાં પોતાના બચાવ માટે જવાબ તૈયાર કરી રહ્યું છે.
જણાવી એ કે અમેરિકા, બ્રિટેન, જર્મની અને ફ્રાંસ દ્વારા પેશ કરવામાં આવેલા એક પ્રસ્તાવ બાદ જૂન 2018માં પાકિસ્તાનને FATFના ગ્રે લિસ્ટમાં મૂકી દીધું હતું. જો પાકિસ્તાનને FATF બ્લેકલિસ્ટ કરી દે છે તો પાકિસ્તાન પર એની ગાઢ આર્થિક પ્રભાવ થશે.