પાકિસ્તાન માટે 121 વનડે ઇન્ટરનેશનલ મેચ રમી ચૂકેલા ક્રિકેટર ઉમર અકમલ હાલમાં સોશ્યલ મીડિયા પર ટ્રોલ થઇ રહ્યો છે, જ્યારે તેણે અંગ્રેજીમાં એક ટ્વીટ કર્યુ.
ઉમરે કથિત રીતે બુધવારે ટ્વિટર પર અબ્દુલ રઝ્ઝાક સાથે એક ફોટો શૅર કરી, જેમાં કેપ્શન લખ્યુ એવું કે જેના લીધે તે સોશ્યલ મીડિયા પર ટ્રોલ થઇ રહ્યો છે. આ ફોટોમાં દાવો કરવામાં આવી રહ્યો છે કે, 29 વર્ષના રઝ્ઝાક સાથે ફોટો ટ્વીટ કરતા જે લખ્યુ તેનો ગુજરાતીમાં અર્થ થયો, બીજા ભાઇથી મા (Mother from another brother) . આ ટ્વીટ પછી તે ટ્રોલર્સના નિશાને આવ્યો છે.
એટલુ જ નહી, સોશ્યલ મીડિયા પર #UmarAkmalQuotes પર ટ્રેન્ડ થવા લાગ્યુ છે અને સતત લોકો ટ્વીટ કરવા લાગ્યા છે અને તેના પર ફની મીમ્ઝ બની રહ્યા છે. જોકે ઉમપના એકાઉન્ટ પરથી આવી કોઇ ટ્વીટ જોવામાં આવી નથી પણ કહેવામાં આવી રહ્યુ છે. તેણે થોડીક જ મિનિટમાં ટ્વીટ ડિલીટ કરી દીધી. ઉમર અકલમ પાકિસ્તાન સુપર લીગના આગામી એડિશનમાં કવેટા ગ્લેડિએટર્સ માટે રમતો જોવા મળશે.
કરિયરમાં અત્યાર સુધી 16 ટેસ્ટ, 121 વનડે અને 84 T-20 ઇન્ટરનેશનલ મેચ રમી ચૂકેલો ઉમર ગત વર્ષે ઓક્ટોબરમાં શ્રીલંકા વિરુદ્ઘ પાકિસ્તાન તરફથી રમતો જોવા મળ્યો હતો.