Tuesday, June 18, 2019
સબસ્ક્રાઈબ કરો VTVGujarati ન્યુઝ Whatsapp

મોંઘવારી / હવે દૂધ માટે પણ તરસી જશે PAKની જનતા, લિટરનો ભાવ જાણીને ચોંકી જશો

હવે દૂધ માટે પણ તરસી જશે PAKની જનતા, લિટરનો ભાવ જાણીને ચોંકી જશો
પાકિસ્તાનની જનતાની મુશ્કેલીઓ ઓછી થવાનું નામ નથી લઇ રહી. મોંઘવારીના કારણે શાકભાજી, પેટ્રોલ, ડિઝલ વગેરેની ઉંચી કિંમત પર જતા જનતા પહેલાથી મૂઝવણમાં છે, ત્યારે હવે દૂધની કિંમતમાં પણ વધારો થતા લોકોની મુશ્કેલીમાં વધારો થયો છે. કરાચી ડેરી ફાર્મર્સ એસોસિએશનને અચાનક દૂધના ભાવમાં 23 રૂપિયા પ્રતિ લિટર વધારી દીધો છે. હવે દૂધનો ભાવ 120 રૂપિયા પ્રતિ લિટર પહોંચી ગયો છે. તેમજ છૂટક માર્કેટમાં દૂધ 100-180 રૂપિયા સુધી વેચાઇ રહ્યુ છે. 
 


ઉલ્લેખનીય છે કે પાકિસ્તાની રૂપિયાની વેલ્યૂ ભારતીય રૂપિયા કરતા અડધી થઇ ગઇ છે. મોંધવારીને કારણે પાકિસ્તાની રોષ ભરાયા છે. પાકિસ્તાન ન્યૂઝપેપર અનુસાર, એશોશિયેશને કહ્યુ કે, સરકારે તેમણે પહેલા અનેક વખત રજૂઆત કરવામાં આવી પરંતુ સરકાર તરફથી કોઇ પ્રતિભાવ ન મળતા તેમણે જાતે જ ભાવ વધારવાનો નિર્ણય કર્યો હતો.

તો બીજી તરફ પ્રશાસને એશોસિયેશનનુ આ પગલુ ખોટુ ગણાવ્યુ છે અને મોંધુ દૂધ વેચનારા વિક્રેતાઓ પર કાર્યવાહી કરી છે. પ્રશાસને દૂધની કિંમત 94 રૂપિયા પ્રતિ લિટર નક્કી કરી છે, તેમ છતાં વિક્રેતાઓ 100-180 રૂપિયાની કિંમત દૂધ વેચે છે. પ્રશાસને કહ્યુ કે, ''તમામ ડેપ્યુટી કમિશ્નરને કહેવામાં આવ્યુ છે કે મોંઘી કિંમતે દૂધ વેચનારા પર કડક પગલા ભરવામાં આવ્યા.'' ઉલ્લેખનીય છે કે આ મામલામાં એક દુકાનદારની ધરપકડ પણ કરવામાં આવી છે. 
 


ઉલ્લ્ખેનીય છે કે, આર્થિક રૂપથી નબળી થઇ રહેલી પાકિસ્તાનની મુશ્કેલીમાં વધારો થઇ રહ્યો છે. પાકિસ્તાનની મોંઘવારી છેલ્લા 5 વર્ષના રેકોર્ડ સ્તર પર પહોંચી ગઇ છે. માર્ચ મહિનામાં 9.4% સુધી પહોંચી હતી. મોંઘવારી વધતા, રૂપિયામાં ઘટાડો થયો અને ક્રૂડ ઑઇલ કિંમતમાં વધારો થતા પાકિસ્તાની કેન્દ્રીય બેંકે વ્યાજ દરોમાં 10.75%નો વધારો કરી દીધો છે. 
world pakistan Milk

જોવા જેવું વધુ જુઓ

બ્રેકિંગ ન્યૂઝ