WC 2019 / ભારત-પાક. મેચ પહેલા બનેલી 'યુદ્ઘ' જેવી સ્થિતિને લઇને કોહલીએ આપ્યો આ જવાબ

કેપ્ટન કોહલીએ કહ્યુ કે, ''તે પોતાનુ ધ્યાન ફાસ્ટ બૉલર મોહમ્મદ આમિરની સાથે થનારા વ્યકિતગત પ્રતિસ્પર્ધા પર કેન્દ્રિત નહી કરે. તે અને ટીમ આમિર સિવાય બીજા ખેલાડીઓ પર પણ ધ્યાન આપશે.'' આ સાથે કોહલીએ સોશ્યલ મીડિયા પર ચાલી રહેલા યુદ્ઘ જેવી સ્થિતિ વશે કહ્યુ કે, ''પ્રશંસકોને મજા કરવા દો.''

વિરાટે મેચ પહેલા કહ્યુ કે, ''હું TRP માટે કોઇ વાત નહી કરું, તમારે દરેક બૉલરની ક્ષમતા પર ધ્યાન રાખવુ જોઇએ, તમારે કોઇ પણ બૉલરની વિરુદ્ઘ રન બનાવવાની પોતાની ક્ષમતા પર પણ વિશ્વાસ કરવો જોઇએ. હું માત્ર રેડ બૉલ અથવા તો વ્હાઇટ બૉલ ક્રિકેટ પર મારું ધ્યાન કેન્દ્રિય કરું છે. અન્ય 10 ખેલાડીઓ પણ છે જે મેચ પર પોતાનો પ્રભાવ નાખી શકે છે.''

 

 

 

 

View this post on Instagram

 

 

 

 

 

 

 

 

 

To the point & focus at the right place - @virat.kohli for you 💪👍🏻🇮🇳💙 #TeamIndia #CWC19 #INDvPAK

A post shared by Team India (@indiancricketteam) on Jun 15, 2019 at 7:48am PDT

ભારતીય કેપ્ટને કહ્યુ કે, ''એવુ નથી કે હું સ્કોર કરીશ  અને તેઓ વિકેટ લેશે ત્યારે જ મેચ હારી કે જીતી શકાશે, સારા પરિણામ માટે બંને ટીમના બાકીના 10 ખેલાડીઓ સારું ફોર્મ આપવુ પડશએ. મારા મગજમાં કોઇ એક ખિલાડીને લઇને પ્રતિસ્પર્ધા નથી અને મને નથી લાગતુ કે મારે કોઇને સાબિત કરવાની જરૂર છે. મારા માટે સિમ્પલ છે, જો તમે સારુ નહી રમો તો તમને બૉલર આઉટ કરી દેશે.''

કોહલીએ આગળ કહ્યુ કે, ''જો અમે સારું રમીશુ તો કોઇ પણ ટીમને હરાવી શકીએ છીએ. અમારી સામે કઇ ટીમ છે તેનાથી કોઇ ફરક પડતો નથી. ખેલાડીઓ માટે મહત્વનુ છે કે તેઓ પ્રોફેશનલ રહે.'' 

વિરાટે કહ્યુ કે, ''ડ્રેસિંગ રૂમમાં તમામ ખિલાડીઓની માનસિક સ્થિતિ એવી જ છે જેની બીજી વનડે મેચ પહેલા હોય છે. જ્યારથી અમે ઇંગ્લેન્ડ આવ્યા છીએ ત્યારથઈ અમે કંઇ અલગ વાત નથી કરી. ડ્રેસિંગ રૂમનો માહોલ બદલાયો નથી. ડ્રેસિંગ રૂમનો માહોલ ગચ મેચ જેવો જ છે. અમે સમજીએ છીએ કે અમારા દેશ માટે અમે કોઇ પણ મેચ રમીએ તેની સાથે ભાવના જોડાયેલી છે. અમને ક્રિકેટ ખિલાડી તરીકે દેશ માટે રમવા પસંદ કરવામાં આવ્યા છે, અમારી જવાબદારી છે કે અમે દરેક મેચને એક જેવી જ લઇએ, પછી કોઇ પણ દેશ કેમ ના હોય. અમારા માટે કંઇ બદલાયુ નથી. અમે ટોપ ટીમ છીએ કેમકે અમે એવું જ ક્રિકેટ રમ્યુ છે.''

રિપોર્ટ અનુસાર, રવિવારે મૈન્ચેસ્ટરમાં વરસાદની 63% સંભાવના છે. આખા દિવસ દરમિયાન વાદળછાયું વાતાવરણ રહેશે. આ વર્લ્ડકપમાં 19માંથી 4 મેચ વરસાદના લીધે રદ થઇ છે. 13 જૂને ભારત-ન્યૂઝીલેન્ડની મેચ વરસાદના લીધે રદ્દ થઇ હતી. જોકે આજે પણ મૈન્ચેસ્ટરમાં હળવા વરસાદની સંભાવના છે.